प्रोटेक्टिभ माइक्रो इन्स्योरेन्सले साधारण शेयर निष्काशन गर्ने, लक्ष्मी सन्राइज क्यापिटल प्रत्याभूतिकर्ता नियुक्त

Advertisement

प्रोटेक्टिभ माइक्रो इन्स्योरेन्स लिमिटेडले २२,५०,००० कित्ता साधारण शेयर निष्काशन गर्न लागेको छ। उक्त शेयर प्रत्याभूति गर्न लक्ष्मी सन्राइज क्यापिटल लिमिटेडलाई प्रत्याभूतिकर्ता नियुक्त गरिएको छ। यस सम्बन्धी सम्झौतामा लक्ष्मी सन्राइज क्यापिटलका तर्फबाट प्रमुख कार्यकारी अधिकृत बिजय लाल श्रेष्ठ र प्रोटेक्टिभ माइक्रो इन्स्योरेन्सका तर्फबाट प्रमुख कार्यकारी अधिकृत नरेश कुमार रोकाले हस्ताक्षर गरेका छन्।

प्रोटेक्टिभ माइक्रो इन्स्योरेन्सले २०८० जेठ ८ गतेदेखि लघु निर्जीवन बीमा सम्बन्धी व्यवसाय सञ्चालनको स्वीकृति प्राप्त गरी २०८० असार ३१ गतेदेखि लघु निर्जीवन बीमालेख जारी गर्दै आएको छ। न्यून आय भएका र सीमान्तकृत समुदायलाई बीमा सेवाको पहुँच प्रदान गर्ने उद्देश्यले स्थापित यो कम्पनीले आर्थिक जोखिम व्यवस्थापन र अप्रत्याशित घटनाविरुद्ध आर्थिक सुरक्षा प्रदान गर्न महत्त्वपूर्ण भूमिका खेल्दै आएको छ।

कम्पनीले विविध लघुबीमालेखहरू मार्फत आफ्नो लक्षित वर्गको आवश्यकता पूरा गर्न पहुँचयोग्य निर्जीवन बीमा विकल्पहरू उपलब्ध गराउँदै आएको छ। हाल प्रोटेक्टिभ माइक्रो इन्स्योरेन्सले सातवटै प्रदेशमा ३३ वटा कार्यालयहरू मार्फत लघु निर्जीवन बीमा सेवा प्रदान गरिरहेको छ।

सम्बन्धित सामाग्री

सिटिजन लाइफ इन्स्योरेन्सको आठौं वार्षिकोत्सव: सामाजिक उत्तरदायित्व र सांस्कृतिक एकताको उत्सव

सन नेपाल लाइफद्वारा नेपाली पुरुष क्रिकेट टिमका प्रत्येक सदस्यलाई ३० लाखको बीमा

सगरमाथा लुम्बिनी इन्स्योरेन्स दोस्रो एनपीएलमा सुदूरपश्चिम रोयल्सको आधिकारिक इन्स्योरेन्स पार्टनर

४९.१९ प्रतिशत जनसंख्यामा पुग्यो बीमाको पहुँच, दुई महिनामा ४४ अर्ब २८ करोडको व्यापार

कडा रोग लागेका बीमितका लागि पुनः ‘रिफर’ आवश्यक नपर्ने

नेशनल लाइफलाई हबिबको सेयर खरिद गर्न राष्ट्र बैंकको स्वीकृति