सुदूरपश्चिम सरकारले आगामी मङ्सिरमा लगानी तथा विकास सम्मेलन आयोजना गर्ने

सुदूरपश्चिम प्रदेश सरकारले आगामी मङ्सिर १ र २ गते लगानी तथा विकास सम्मेलन आयोजना गर्ने भएको छ ।

सुदूरपश्चिम प्रदेश लगानी तथा विकास सम्मेलन कार्यकारी समितिको प्रस्तावअनुसार आज यहाँ बसेकोे मन्त्रिपरिषद्को बैठकले मङ्सिर १ र २ गते लगानी तथा विकास सम्मेलन गर्ने निर्णय गरेको हो ।

यसअघि असोज १ र २ गते गर्ने भनिएको सम्मेलन विविध कारणले सारिएको मुख्यमन्त्री तथा मन्त्रिपरिषद्को कार्यालयले जनाएको छ ।

यस्तै, सुदूरपश्चिम प्रदेश सरकारले विसं २०८२ को अट्वारी पर्वको सार्वजनिक बिदा भदौ ८ गते आइतबार हुनेगरी संशोधन गरेको छ । बैठकले यसअघि प्रदेशभर सबै सरकारी कार्यालय तथा सार्वजनिक निकायमा साउन २५ का लागि दिइएको उक्त बिदा भदौ ८ गते हुनेगरी संशोधन गरेको मुख्यमन्त्रीको सचिवालयले जनाएको हो ।

यो पर्व विशेषगरी पश्चिम नेपालका तराई क्षेत्रमा बसोबास गर्दै आएका थारू समुदायले मनाउने गरेका छन् ।

सम्बन्धित सामाग्री

‘शैक्षिक परामर्श क्षेत्रमा ९० प्रतिशत संस्था अवैध रूपमा सञ्चालित’

कक्षा १२ को परीक्षाफल प्रकाशित

हलेसी दुर्घटना अपडेट : मृतक र घाइतेको पहिचान खुल्यो

दुर्गा प्रसाईंलाई २५ लाख धरौटीमा रिहा गर्न आदेश

प्रधानमन्त्री ओली तुर्कमेनिस्तानमा (तस्विरसहित)

प्रतिनिधिसभामा बहुविवाह कानुनी बनाउने तयारीमाथि तीव्र विरोध