सामसुङ नेपालले ल्यायो ग्यालेक्सी जेड फोल्ड ७ र जेड फ्लिप ७ फोन

सामसुङ नेपालले ग्यालेक्सी जेड फोल्ड ७ र जेड फ्लिप ७ ब्रान्डका नयाँ मोबाइल फोन बजारमा ल्याउने भएको छ । ती दुवै ब्रान्डको मोबाइल सेटहरुको प्रि अर्डरको समय समेत तोकिएको छ ।

कम्पनीले अत्याधुनिक ग्यालेक्सी जेड फोल्ड७ र जेड फ्लिप७ अल्ट्रा पातलो, हलुका र इन्ट्युटिभ इंटेलिजेन्ससहितका नयाँ फोल्डेबल स्मार्टफोनहरू बजारमा ल्याएको छ । ती स्मार्टफोनहरु यहीँ साउन २२ गतेदेखि साउन २९ गते सम्म प्रि–अर्डर गर्न मिल्ने कम्पनीले जनाएको छ ।

ग्यालेक्सी जेड फोल्ड७ ले हालसम्मकै सबैभन्दा पातलो र हलुका फोल्ड सिरिजमा ग्यालेक्सी डिजाइन, क्यामेरा कार्यक्षमता र एआइ प्रविधिलाई एकसाथ ल्याएको छ। यो डिभाइसले अल्ट्रा–स्मार्टफोनको रूपमा प्रिमियम प्रदर्शन प्रदान गर्नेछ र खोल्ने बित्तिकै ठूलो र इमर्सिभ डिस्प्लेमार्फत कार्यक्षमता र उत्पादकत्वमा नयाँ स्तर प्रदान गर्न सक्ने कम्पनीको विश्वास छ ।

ग्यालेक्सी जेड फ्लिप ७ चाहिँ स्मार्ट एआइ फिचरहरूसहित दैनिक प्रयोगका लागि बनाइएको खल्तीमै अट्ने कम्प्याक्ट सहायक हो। यो स्मार्टफोन सानो भए पनि शक्तिशाली अनुभव दिन सक्षम रहेको कम्पनीले जनाएको छ ।

फ्ल्यागशिप क्यामेरा, एजटुएज फ्लेक्सविन्डो, र आइकोनिक डिजाइनका साथ प्रयोगकर्ताको जीवनशैलीमा सहजता बनाउने कम्पनीको दाबी छ ।

नेपालमा यी स्मार्टफोनहरू २५६जीबी भेरियन्टमा अगस्त ७ (साउन २२) देखि प्रि–अर्डर गर्न सकिनेछ । प्री–अर्डरको लागि दर्ता गरी रु ५,००० को अग्रिम भुक्तानी गरेपछि ग्राहकहरूले स्मार्टफोनहरु प्राप्त गर्नेछन् ।

सम्बन्धित सामाग्री

प्यालेस्टाइन समर्थक प्रदर्शनमा असान्जको सहभागिता

विवादित काश्मीरमा सामूहिक हिन्दू तीर्थयात्रा सम्पन्न

ट्रम्पको धम्कीपछि पनि रुसी तेल किन्न जारी राख्ने भारतको सङ्केत

नारायणघाट–बुटवल सडक आयोजनाको म्याद एक वर्ष थप

झुलनोत्सवले उमङ्गीत मिथिला

सुख्खाग्रस्त मधेसमा मनसुन सक्रिय, तर छैन पर्याप्त वर्षा