ओम डेभलपमेन्ट बैंकको सेयर कारोबार सुरु
समयपोष्ट
२०७४ साउन ३ गते ८:५७
ओम डेभलपमेन्ट बैंकको सेयर कारोबार आजबाट सुरु भएको छ । बैंकको सेयरमूल्य नेप्सेमा समायोजन भएपछि सेयर कारोबार सुरु भएको हो ।
बैंकले गत आर्थिक बर्षको नाफाबाट वितरण गरेको २९.२ प्रतिशत बोनसलाई समायोजन गरी प्रतिकित्ता सेयरमूल्य ४८७ रुपैयाँ निर्धारण गरेको छ । सेयरमूल्य समायोजनपछि बैंकको सेयर मंगलबार ४८७ रुपैयाँमा कारोबार खुला गरिएको छ ।
मनास्लु विकास बैंकसँगको मर्जर प्रक्रियाका कारण २०७३ असोज २१ गतेदेखि बैंकको सेयर कारोबार रोकिएको थियो । एकीकृत कारोबार थालेको एक महिनापछि सेयर कारोबार खुला भएको हो ।
नेप्सेका अनुसार बैंकको औषत आधारमूल्य ३८० रुपैयाँ रहेको छ । मनास्लु गाभिएपछि ओमको चुक्ता पुँजी १ अर्ब ६४ करोड ३९ लाख ४४ हजार ७९५ रुपैयाँ पुगेको छ ।
प्रतिक्रिया