फोटो सहितको मतदाता नामावली संकलन सुरु,नामावलीमा त्रुटि भए सच्याउन सकिने
निर्वाचन आयोगले आईतबारबाट पुनः फोटो सहितको मतदाता नामावली संकलन सुरु गरेको छ ।
आगामी प्रदेशसभा तथा प्रतिनिधिसभा सदस्य निर्वाचन प्रयोजनका लागि आयोगले नामावली संकलन तथा अद्यावधिक कार्य सुरु गरेको हो ।
साउन १५ गतेसम्म नाम दर्ता तथा अद्यावधिक गर्न सकिने आयोगले जनाएको छ । तर, यसका लागि भने जिल्ला सदरमुकाममा रहेको जिल्ला निर्वाचन अधिकृतको कार्यालयमा जानुपर्ने छ ।
यसैगरी आयोगले मतदाता नामावलीमा यसअघि नाम समावेश नभएका व्यक्तिलाई नागरिकताको प्रमाणपत्र लिई सम्बन्धित जिल्ला निर्वाचन कार्यालयमा सम्पर्क गर्न सुचित गरेको छ ।
यसअघि जहाँ सुकैको निर्वाचन कार्यालयबाट मतदाता नामावलीमा नाम दर्ता गराउन सकिने भएपनि यसपटक सम्बन्धित जिल्लामै पुगेर दर्ता गर्नुपर्ने व्यवस्था गरेको छ ।
आयोगबाट यसअघि प्रकाशित नामावलीमा आफ्नो नाम तथा ठेगानामा त्रुटि भएका व्यक्तिले पनि गल्ती सच्याउन सक्नेछन् ।
तर, स्थानीय तहको निर्वाचनका लागि प्रकाशित मतदाता नामावलीमा नाम भएकाहरुले भने पुनः नाम लेखाउनु पर्नेछैन ।
प्रतिक्रिया