सेयर बजारमा गिरावट, नेप्से ८.९३ अंकले घटेर १५७५.२२ विन्दुमा झर्यो
समयपोष्ट
२०७४ असार २६ गते १२:५४
सेयरबजारमा आज नेप्से परिसूचक तथा कारोबार रकम दुवैमा गिरावट आएको छ । आज नेप्से ८.९३ अंकले झरेको छ भने ६९ करोड ३५ लाख रुपैयाँ बराबरको सेयर कारोबार भयो । यसदिन सोल्टी होटलको सेयर सबैभन्दा बढी ७ करोड ३३ लाख बराबरको किनेबेच भयो ।
नेपाल लाइफ र सेञ्चुरी बैंकको पनि साढे तीन करोड बढीको कारोबार भयो । यसदिन वर्ल्ड मर्चेन्ट, कुबेर मर्चेन्ट, अरुण फाइनान्स, सेन्ट्रल फाइनान्स लगायतको सेयरमूल्य बढेको छ भने प्रोग्रेसिभ फाइनान्स, सिनर्जी पावर डेभलपमेन्ट, एनबी इन्स्योरेन्स तथा एनएमबि बैंक लगायतको सेयरमूल्य घटेको छ । सोमबार नेप्से १५७५.२२ विन्दुमा आइपुगेको छ । समग्र बजार पूँजीकरण १८ खर्ब ४६ अर्ब कायम भएको छ ।
प्रतिक्रिया