विविध कार्यक्रमको आयोजना गर्दै आईएमईले मनायो स्थापनाको १७औँ वार्षिकोत्सव
नेपालको पहिलो रेमिटेन्स कम्पनी आईएमईले आफ्नो स्थापनाको १७औँ वार्षिकोत्सव “१७ औँ वार्षिकोत्सव नयाँ प्रविधिको” भन्ने मूल नाराका साथ विविध कार्यक्रमको आयोजना गर्दै मनाएको छ ।
बैंकिङ च्यानलमार्फत रेमिटेन्स भित्र्याउन १७ वर्षअघि आईएमई स्थापना भएको थियो । यो कम्पनीको स्थापनासँगै वैधानिक रुपमा रेमिटेन्स ल्याउने बाटो खुलेको थियो । कम्पनीका १ सय ५५ आईएमई सेन्टरसहित ७५ जिल्लामा ६१ सय भन्दा बढी सव एजेन्ट रहेको छ । वैदेशिक रोजगारीमा गएका नेपालीबाट सबैभन्दा बढी रेमिटेन्स भित्र्याउने कम्पनीमा आईएमई पर्छ ।
कम्पनीले सबैभन्दा बढी रेमिटेन्स भित्र्याएको आधारमा महत्वपूर्ण व्यवसायिक व्यक्ति सिआईपी सम्मान समेत पाएको छ । वार्षिकोत्सवका अवसरमा सत्र वर्षको निरन्तर सेवा लिने ग्राहकमध्येबाट विदेशबाट पैसा पठाउने र नेपालमा प्राप्त गर्ने १७ गरी कुल ३४ जनालाई लक्की ड्रमार्फत सम्मान गरिएको थियो ।
कार्यक्रममा कम्पनीका प्रवन्ध निर्देशक हेमराज ढकालले कम्पनीको सेवालाई अझै परिस्कृत र प्रविधिमैत्री बनाउने प्रतिवद्धता व्यक्त गरे । कम्पनीका प्रमुख कार्यकारी अधिकृत सुमन पोखरेलले सेवाग्राहीको निरन्तर विश्वास र टीमको सहयोगले सफलता प्राप्त गरेको बताए ।
१७औँ वार्षिकोत्सवका अवसरमा आयोजित विभिन्न प्रतियोगितात्मक खेलकुदका विजेता तथा उपबिजेताहरुलाई प्रबन्ध निर्देशक हेमराज ढकालले पदक, ट्रफी एवम् शिल्ड प्रदान गरेका थिए । कम्पनीमा कार्यरत उत्कृष्ट कर्मचारीहरुलाई उक्त अवसरमा सम्मान गरिएको थियो ।
प्रतिक्रिया