सेयर बजार ९.९७ अंकले ओर्लियो, सबै समूहका सूचक राताम्मे
नयाँ सरकार बनेसंगै निरन्तर ओरालो लागेको सेयरबजार सोमबार पनि घटेको छ। कारोबारमा आएका सबै समूहका सूचक घटेपछि नेप्से तथा कारोबार रकम दुवैमा ओरालो लागेको हो ।
सोमबार ९ दशमलव ९७ अंकले ओर्लिएको वजार एक हजार ५ सय ८० दशमलव ५२ अंकमा झरेर रोकिएको छ । कारोबारमा आएका सबै समूहका सूचक राताम्मे बने । कारोबारमा आएका सबै उप सूचकमा गिरावट आएको छ। बैकिङ ७.४९, होटल २८.९९, विकास बैंक १२.९८, जलबिद्युत २३.३८, फाईनान्स २.४, बीमा ८१.०६, उत्पादनमूलक ७.३ र अन्य १.७३ अंकले घटेको छ।
सोमबार १ सय ३८ कम्पनीको ७ लाख ९८ हजार कित्ता सेयर ४९ करोड ८८ लाखमा किनबेच भयो । कारोबार रकम अघिल्लो दिनको तुलनामा २२ करोड कम हो । यसदिन सबैभन्दा बढी आरएसडीसी लघुवित्तको शेयर खरिद बिक्री भयो । यो कम्पनीको ५ करोड ४४ लाख रुपैयाँ बराबरको शेयर खरिद बिक्री भएको छ। नेपाल लाइफ र स्ट्याण्र्डड चार्टर्डको पनि ३ करोड बढीको सेयर किनबेच भयो । यसदिन सबैभन्दा बढी वल्ड मर्चेन्ट बैकिङ एण्ड फाईनान्स कम्पनीका शेयरधनीले १० प्रतिशतले कमाएका छन् भने एभरेस्ट बैंकका संस्थापक शेयरधनीले करिब १० प्रतिशत नै गुमाएका छन्।
प्रतिक्रिया