भोजपुरको खोक्सिकमा ‘कृषि बजार’ निर्माण गरिदै

भोजपुरको रामप्रसादराई गाउँपालिका ८ खोक्सिकमा ‘कृषि बजार’ निर्माण हुने भएको छ । स्थानीयस्तरमा उत्पादन भएका कृषि उपजको बजारीकरण गर्ने लक्ष्यले यहाँ कृषि बजार निर्माण थालिएको हो ।

Advertisement

यहाँका लेक तथा बेँसी क्षेत्रमा उत्पादन भएका बस्तुलाई सङकलन गरेर बेचविखन गर्ने लक्ष्यले वडाले कृषि बजार निर्माण गरिरहेको वडाध्यक्ष बाचकुमार राईले जानकारी दिनुभयो । दीर्घकालिन लक्ष्यका साथ वडाको थौरे बजेटबाट भएपनि यो आर्थिक वर्षबाट संरचना निर्माण थालिएको उहाँको भनाइ छ । वडाले रु. तीन लाख बजेट विनियोजन गरेर बजार व्यवस्थापनको काम थालेको उहाँले बताउनुभयो ।“वडाको थोरै बजेटबाट भएपनि कृषि बजार निर्माणको अवधारणा अनुसार काम थालनी गरेका छौँ” वडाध्यक्ष राईले भन्नुभयो,“खास गरेर स्थानीयस्तरमा उत्पादन भएका बस्तुको बजारीकरणमा सहयोग पु¥याउने हाम्रो लक्ष्य छ । वर्षेनी यहाँ संरचना थप्ने योजना छ ।”

यो स्थानमा महिनामा दुई पटक बजार लाग्ने भएकाले किसानले ल्याएका कृषि उत्पादनलाई सहज रुपमा बेचविखन गर्ने वातावरण बनाउन कृषि बजार निर्माण भइरहेको उहाँको भनाइ छ । कृषि बजार निर्माण पश्चात यहाँको कृषि उपजको बजारीकरणमा टेवा पुग्ने उहाँले बताउनुभयो ।

वडाले स्थानीय किसानहरुले उत्पादन गरेका कृषि उपजको सहज बेचविखनसँगै बजारीकरणको लागि कृषि बजार निर्माणले उत्साह थपेको स्थानीयबासी दलबहादुर राईले बताउनुभयो । कृषि बजार निर्माण पश्चात यहाँ उत्पादन भएका कृषि उपजको विनिमयमा सहजता हुने उहाँको भनाइ छ । खोक्सिक क्षेत्रलाई कृषि उत्पादनको हिसाव निकै उर्वरभूमि मानिन्छ । यहाँ किसानले तरकारीलगायत नगदेबालीको व्यावसायीकखेती गर्दै आएका छन् ।

सम्बन्धित सामाग्री

मोहन वैद्यको स्वास्थ्यमा चमत्कारिक सुधार

जोखिमयुक्त क्षेत्र पहिचान गर्दै पूर्वसूचना प्रणाली सुदृढ गर्न संसदीय समितिको निर्देशन

रास्वपा महामन्त्री पद विवादमा सर्वोच्चले छलफलका लागि दुवै पक्षलाई बोलायो

रानीमहललाई पुरानै अवस्थामा संरक्षण गरिने

युके र कतार पठाइदिने भन्दै ५८ लाख ठगी, दुई जना पक्राउ

घट्यो नेप्से, बढ्यो कारोबार रकम