रुसद्वारा १२०० युक्रेनी सैनिकहरूको शव फिर्ता
रुसले १,२०० जना युक्रेनी सैनिकहरूको शव कीएभलाई फर्काएको छ । यसलाई युद्ध सुरु भएको तीन वर्षभन्दा बढी समयपछि भएको सबैभन्दा ठुलो शव फिर्ता प्रक्रिया मध्येको एक मानिएको छ।
शुक्रबार भएको यो फिर्ता पछिल्लो महिनामा इस्तानबुलमा सम्पन्न शान्ति वार्ताको सम्झौताअनुसार गरिएको हो। तर, मास्कोले यो प्रक्रिया एकतर्फी भएको दाबी गर्दै आएको छ।
युक्रेनले आफ्ना मृतक सैनिकहरूको शव फिर्ता भने नगरेको आरोप लगाइएको छ। रुसको सरकारी समाचार संस्था ताससँग बोल्दै एक अज्ञात स्रोतले भने, ‘आज, रुसले युक्रेनका सशस्त्र बलका १,२०० मृत सैनिकहरूको शव हस्तान्तरण गर्यो। तर, एकजना पनि हाम्रोतर्फबाट फिर्ता गरिएको छैन।’
त्यसैगरी, रूसी राष्ट्रपति सहयोगी भ्लादिमिर मेदिन्स्कीले पनि युक्रेनले ७ जुनमा हुने भनिएको शव तथा कैदी आदानप्रदान प्रक्रिया अचानक स्थगित गरेको र यसबारे कुनै सार्वजनिक स्पष्टीकरण नदिएको दाबी गरे । एजेन्सी
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया