एकीकृत समाजवादीको केन्द्रीय परिषद्को बैठक सम्पन्न, यी हुन् पन्ध्र निर्णय
नेकपा एकीकृत समाजवादीको केन्द्रीय परिषद्को पहिलो बैठक सम्पन्न भएको छ ।
बैठकले १५ वटा प्रस्ताव पारित गरेको प्रचार विभाग प्रमुख जगन्नाथ खतिवडाले जानकारी दिए ।
बैठकले एसपीपीमा नेपाल संलग्न नहुने पत्र अमेरिकालाई पठाएकोमा सरकारलाई धन्यवाद ज्ञापन गर्ने प्रस्ताव पारित गरेको उनले बताए । उनले कम्युनिस्ट एकतामा जोड दिँदै वामपन्थी शक्तिहरूलाई संघीयता र धर्मनिरपेक्षताको पक्षमा एकजुट हुन पनि आह्वान गरेको जानकारी दिए ।
पार्टीले दैनिक उपभोग्य वस्तुको मूल्य नियन्त्रण गर्न सरकारलाई आग्रह गरेको छ । पेट्रोलियम पदार्थको मूल्य घटाउने निर्णयको बैठकले स्वागत गरेको खतिवडाले जनाए ।
यस्तै किसानका लागि आवश्यक मल आपूर्ति सुनिश्चित गर्न पनि आग्रह गरिएको उनले जानकारी दिए ।
अबको दुई महिनामा हामी देशव्यापी संगठन सुदृढीकरण तथा विस्तार अभियानमा लाग्ने पनि खतिवडाले बताए ।
स्थानीय चुनावमा महानगर र उपमहानगरमा गठवन्धन सफल भएको तर त्योभन्दा तल आफ्नो पार्टीलाई कर्नरमा पार्न खोजिएको समिक्षा वैठकले गरेको उनको भनाइ छ ।
प्रतिक्रिया