ई–अल्फा शोरुम कलैयामा,ई–अल्फा थ्री ह्वीलर सार्वजनिक

नेपालको लागि महिन्द्रा टु ह्वीलर्सको आधिकारिक विक्रेता अग्नि मोटो इन्कले बाराको कलैयामा आफ्नो आधिकारिक डिलर नियुक्त गरी नयाँ विद्युतीय सवारी ई–अल्फा थ्री ह्वीलर सार्वजनिक गरेको छ ।

कम्पनीले कलैयामा आधिकारिक डिलरको रुपमा ‘ओम राइराम मोटर्स’लाई नियुक्त गरेको छ ।

शोरुमको स्थापनासँगै कलैया तथा बारा आसपासका सेवा ग्राहीले महिन्द्रा थ्री ह्वीलर्स सम्बन्धी सम्पूर्ण सेवा सहजै प्राप्त गर्न सक्नेछन् । १००० वाटको मोटर तथा कन्ट्रोलर भएको यस सवारीमा ४८ भोल्ट १२० ए एच को व्याट्री लाग्दछ ।

इ–अल्फा मिनिमा आकर्षक भित्री डिजाइन रहेको छ, रुवस्ट बडी, फुल क्यानोपि, स्टाइलिस ब्याक ड्यासबोर्ड, चुस्त सस्पेन्सन, तथा चेसिस र ठूलो बस्ने क्याविन रहेको छ । यसमा यात्रुहरुलाई सहजता एवं चालकलाई सुविधा मिल्ने छ । यसमा धेरै भारबहन क्षमता, अधिकतम सुविधा रहेको छ । अन्य प्रतिस्पर्धी सवारीहरुको तुलनामा यस चढ्न र चलाउन अझ बढी सहजता मिल्ने छ ।

‘सवारी शानको भरोसा महिन्द्राको’ भन्ने नाराका साथ बजारमा ल्याइएको यस सवारीको विशेषता भनेको शून्य उत्सर्जन रहेको छ । यो पूर्ण रुपमा वातावरण मैत्री तथा सुरक्षित सवारीको रुपमा रहने कम्पनीले जनाएको छ ।

सबै नयाँ इ अल्फामा कम्पनीले २ वर्षको वारेन्टी, व्याट्रीमा ६ महिनाको वारन्टी तथा ६ पटकसम्मको निःशुल्क सर्भिसिङ उपलब्ध गराएको छ ।

सम्बन्धित सामाग्री