रातो मच्छिन्द्रनाथको रथ तान्नका लागि जुर्यो शुभसाइत

रातो मच्छिन्द्रनाथको रथ तान्नका लागि शुभसाइत जुरेको छ । लगनखेलबाट जावलाखेल रथ तान्नका लागि विशेष विधिपूर्वक शुभसाइत हेर्ने चलन अनुसार जोशी गुरुहरुले बिहीबार विहान शुभसाईत हेरेका हुन् । जसअनुसार बैशाख २७ गते रथ तान्नका लागि उपयुक्त मानिएको छ ।

Advertisement

परम्परा अनुसार मंगलबजारको मणिमाण्डपमा विशेष विधिपुर्वक ज्योतिषीहरु बसेर रथलाई जावलाखेलतर्फ तान्ने शुभसाइत हेरिन्छ । शुभसाईत जुरेपछि रथलाई तानेर जावलाखेल पुर्याइन्छ र त्यहा पुर्याएको चार दिन पछि भोटो देखाउने गरिन्छ ।

बैशाख महिनाको शुक्ल पक्ष प्रतिपदा देखि सुरु भएर असार शुक्ल चौथीसम्म झण्डै २ महिना सम्म मनाईने यो रथजात्रा यसपटक जेठमा मलमास परेकाले छोटो अवधि भित्रै सम्पन्न गर्ने गरि शुभसाईत हेरिएको ज्योतिष कृतिकिरण जोशीले जानकारी दिए ।

पुलचोकबाट सुरु भएको रथजात्राको पहिलो दिन रथलाई नःटोल लगिन्छ । त्यसपछि महापाल, मंगलबजार, सुन्धारा, महाबौद्ध, थैना, टंगल हुँदै थतीटोल लगिन्छ ।

ललितपुरको पुल्चोकबाट तानिएको वर्षा र सहकालका देवता मानिने रातो मच्छिन्द्रनाथको रथलाई अहिले लगनखेल राखिएको छ ।

Advertisement

सम्बन्धित सामाग्री

दूधमा आत्मनिर्भर काभ्रे : ७० प्रतिशत आपूर्ति अन्यत्र जिल्लामा

मुगु केन्द्रविन्दु भएर दोस्रो दिन पनि भूकम्प

मुगुको कोटडाँडा आसपास केन्द्रविन्दु भएर भूकम्प

आज र भोलि विभिन्न १२ जिल्लामा भारी वर्षा हुने सम्भावना

अमेरिका र चीनबीच व्यापारसम्बन्धी सम्झौतामा हस्ताक्षर

कर नीतिविरुद्ध सुनचाँदी व्यवसायीहरूद्वारा चरणबद्ध आन्दोलनको घोषणा