स्थापितले बालेनलाई उछिने
समयपोष्ट
२०७९ जेठ ९ गते ८:३९
काठमाडौंको ‘कोर एरिया’ मानिने वडा नम्बर २१ मा स्वतन्त्र बालेन्द्र साहलाई एमालेका मेयर उम्मेदवार केशव स्थापितले उछिनेका छन् ।
वडा नम्बर २१ को एक हजार मतगणना हुँदा स्थापितले ३७३ मत पाएका छन् भने नेपाली कांग्रेसकी उम्मेदवार सिर्जना सिंह २५५ मतसहित दोस्रो स्थानमा छिन् । स्वतन्त्र उम्मेदवार बालेन साह भने २२३ मत ल्याएर तेस्रो स्थानमा छन् ।
गणना भएको कुल मतमा भने बालेन निकै अगाडि छन् ।
वडा नम्बर २१ यसअघि एमालेबाट मेयर जितेका विद्यासुन्दर शाक्य र अहिलेकी उपमेयर उम्मेदवार सुनिता डंगोलको वडा हो ।
प्रतिक्रिया