गत वर्ष २०२० मा कोरोना महामारीको कारण स्थगित भएको मिस नेपाल नर्थ अमेरिका (नेपाल उत्तर अमेरिका सुन्दरी) २०२१ आगामी शनिबार आयोजना हुने भएको छ ।
न्यूयोर्कमा आयोजना हुने उक्त प्रतियोगितामा मिस नेपाल वर्ल्ड २०१८ कि (पूर्व नेपाल सुन्दरी) शृंखला खतिवडा प्रशिक्षकको रुपमा सहभागिता जनाउनेछिन् ।
प्रतियोगितामा सहभागी हुन् चाहने प्रतियोगीहरुले जुन १५,२०२१ सम्म आवेदन दिन सक्नेछन् । विजेतालाई नेपाल आउने जाने हवाई टिकट प्रदान गरिने छन् भने नेपाल टुरिजम बोर्डले २०२१/२०२२ को लागि विजेतालाई सद्भावना दूतमा मनोनित गर्नेछ ।
उक्त प्रतियोगिताको नारा भावी पुस्तालाई सशक्त पार्न नेपाली महिलाहरूलाई सशक्तीकरण गरिदै भन्ने राखिएको छ। सन २०१९ मा सम्पन्न दोश्रो मिस नेपाल नर्थ अमेरिका (उत्तर अमेरिका नेपाल सुन्दरी -२०१९) मा न्यूयोर्ककी श्रेया गजुरेल विजयी घोषित भएकी थिइन् ।
यस पटक तेश्रो मिस नेपाल नर्थ अमेरिकाको आयोजना ड्रिम्स युनिभर्सल एसएलसीले गर्नेछ ।
प्रतिक्रिया