सरकार र शिक्षक महासंघबीच ९ बुँदे सहमति

नेपाल सरकार र नेपाल शिक्षक महासंघबीच ९ बुँदे सहमति भएको छ। शिक्षा, विज्ञान तथा प्रविधिमन्त्री रघुजी पन्त र शिक्षक महासंघका प्रतिनिधिहरूबीच भएको वार्तापछि यो सहमति भएको हो। सहमतिका बुँदाहरू मन्त्रिपरिषद्बाट पारित भएसँगै कार्यान्वयनको चरणमा प्रवेश गरेका छन्।

९ बुँदे सहमतिका प्रमुख बुँदाहरू:

१. शिक्षकको स्वास्थ्य उपचार: काठमाडौंस्थित निजामती अस्पतालमा सबै शिक्षक र विद्यालय कर्मचारीलाई सहुलियतमा उपचार सुविधा उपलब्ध गराइने।
२. बिरामी बिदा सञ्चय: अस्थायी, राहत, साविक उमावि, सिकाइ अनुदान, प्राविधिक धार, विशेष शिक्षा र बाल विकास सहजकर्ताले बिरामी बिदा सञ्चय गर्न पाउने र अवकाशमा एकमुष्ट रकम प्राप्त गर्ने।
३. पारिश्रमिक व्यवस्था: प्रारम्भिक बाल विकास सहजकर्ता र विद्यालय कर्मचारीको पारिश्रमिक नेपाल सरकारले तोकेबमोजिम व्यवस्था गरिने।
४. ग्रेड सङ्ख्या र रकम: आर्थिक वर्ष २०८२/८३ देखि प्राथमिक तृतीय, प्राथमिक द्वितीय, निम्न माध्यमिक तृतीय र माध्यमिक प्रथम श्रेणीका स्थायी शिक्षकलाई निजामती सरह ग्रेड सङ्ख्या र रकम कायम गरिने।
५. दुर्गम भत्ता: स्थायी र अस्थायी (राहत, करार, साविक उमावि, प्राविधिक धार, विशेष शिक्षा) सबै शिक्षकले प्रचलित कानुनअनुसार दुर्गम भत्ता पाउने।
६. सामाजिक सुरक्षा: सामुदायिक विद्यालयका निजी स्रोतका शिक्षक र कर्मचारीलाई सामाजिक सुरक्षा कोषमा आबद्ध गर्न नियमावलीमा व्यवस्था गरिने।
७. मर्यादाक्रममा समावेश: शिक्षकहरूलाई नेपाल सरकारको मर्यादाक्रम सूचीमा समावेश गरिने।
८. निःशुल्क उपचार: शिक्षक महासंघको आन्दोलनमा घाइते भएका शिक्षक, सुरक्षाकर्मी, कर्मचारी र पत्रकारलाई सरकारी अस्पतालमा निःशुल्क उपचारको व्यवस्था गरिने।
९. तलब समायोजन: निम्न माध्यमिक तनिम्न माध्यमिक तह प्रथम श्रेणीका शिक्षकको तलब र ग्रेड माध्यमिक द्वितीय श्रेणीका शिक्षक सरह कायम गरिने।

सम्बन्धित सामाग्री

कोशीदेखि कर्णालीसम्म मेघगर्जनसहित वर्षा, सावधानी अपनाउन आग्रह

तिब्बतमा ‘मेगा ड्याम’ निर्माण सुरु, भारत र बङ्गलादेशका लाखौं मानिसमा गम्भीर प्रभाव पर्न सक्ने

जलविद्युत् आयोजनालाई इप्पानको आग्रह

बैंकिङ कसुर मुद्दाका फरार प्रतिवादी पक्राउ

अमेरिका द्वारा डब्लुएचओको नयाँ ‘महामारी नियम’ अस्वीकार

साथीहरूले मलाई सभापतिका रूपमा हेर्न चाहेका छन्