वर्ल्डलिंक कम्युनिकेसन्सद्वारा राष्ट्रिय क्रिकेट टोलीका ६ खेलाडी ब्राण्ड एम्बेसडर घोषित
नेपालको सबैभन्दा ठूलो इन्टरनेट सेवा प्रदायक वर्ल्डलिंक कम्युनिकेसन्स लिमिटेडले १० लाख घरपरिवारमा इन्टरनेट जडानको ऐतिहासिक उपलब्धि हासिल गरेको अवसरमा राष्ट्रिय स्तरका ६ चर्चित क्रिकेट खेलाडीहरूलाई आफ्नो नयाँ ब्राण्ड एम्बेसडरको रूपमा नियुक्त गरेको छ। नयाँ ब्राण्ड एम्बेसडरहरूमा रोहित कुमार पौडेल, सोमपाल कामी, दिपेन्द्र सिंह ऐरी, आसिफ शेख, अनिल कुमार साह र ललित राजवंशी रहेका छन्।
यो सम्झौता २५ अप्रिल २०२५ मा वर्ल्डलिंकको प्रधान कार्यालय, जावलाखेलमा आयोजित भव्य समारोहमा सम्पन्न भएको हो। सम्झौतामा वर्ल्डलिंकका सहसंस्थापक तथा कार्यकारी निर्देशक मनोज अग्रवाल र मुख्य कार्यकारी अधिकृत केशव नेपालले हस्ताक्षर गरेका थिए।
मनोज अग्रवालले समारोहमा भने, “यी ६ क्रिकेट खेलाडीहरू प्रतिबद्धता, धैर्य, टिमवर्क र राष्ट्रिय भावनाका प्रतीक हुन्, जुन हाम्रो कम्पनीको दृष्टिकोणसँग मेल खान्छ। उनीहरूलाई वर्ल्डलिंक परिवारमा स्वागत गर्न पाउँदा हामी गर्वित छौं। यो सहकार्यले हाम्रो ब्राण्डलाई थप ऊर्जावान बनाउनुका साथै समुदायसँगको सम्बन्धलाई मजबुत बनाउनेछ।”
केशव नेपालले थपे, “क्रिकेटप्रतिको माया नेपालमा दिनानुदिन बढिरहेको छ। वर्ल्डलिंक सधैं खेलकुद र नयाँ प्रतिभालाई समर्थन गर्न प्रतिबद्ध छ। हाम्रो ‘बीट द स्पीड’ अभियानको दोस्रो सिजन चाँडै आउँदैछ। यो सहकार्य ब्राण्ड प्रवर्द्धन मात्र होइन, नेपाली जनताको भावना र गौरवसँग जोडिएको हाम्रो प्रतिबद्धता हो।”
नियुक्त खेलाडीहरूले वर्ल्डलिंकको नवीनता र सामाजिक प्रतिबद्धतामा विश्वास व्यक्त गर्दै यो सहकार्यबाट दुवै पक्षका लक्ष्यहरू हासिल गर्न सँगै अघि बढ्ने प्रतिबद्धता जनाएका छन्।
१९९५ मा स्थापना भएको वर्ल्डलिंकले हाल ७७ वटै जिल्लामा उच्च गतिको ब्रॉडब्यान्ड र व्यावसायिक सेवा प्रदान गर्दै १० लाखभन्दा बढी घरपरिवारमा इन्टरनेट पुर्याएको छ। कम्पनी नवप्रवर्तन र डिजिटल सशक्तिकरणमार्फत समुदायको जीवनस्तर सुधार्न समर्पित छ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया