नेपाल लाइफको विभिन्न घातक रोगहरूको जोखिम बहन गर्ने ५० लाखसम्मको बीमा योजना सार्वजनिक

Advertisement

नेपाल लाइफ इन्स्योरेन्स कम्पनीले ‘घातक रोग सुविधा योजना’ सार्वजनिक गरेको छ । कम्पनीले विभिन्न घातक रोगहरू (क्रिटिकल इल्नेस) को जोखिम बहन गर्ने ५० लाखसम्मको बीमा योजना सार्वजनिक गरेको हो ।

कम्पनीका अनुसार यो पूरक करार (थप सुविधा) लिएपछि बीमा अवधिमा तोकिएका घातक रोग लागेमा बीमाले जोखिम बहन गर्नेछ । साथै, साविकको योजना भने बीमा अवधिसम्म चालू रहनेछ । ऐच्छिक सुविधा दिने पूरक करार पहिला कुनै पनि योजनाको जीवन बीमा गरेका बीमित वा नयाँ बीमितले तोकिएका शर्तहरू पूरा गरी यो थप सुविधा लिन सक्नेछन् ।

यस योजनामा क्यान्सर, अन्तिम चरणको मृगौला विफलता, प्राथमिक पल्मुनरी धमनी उच्च रक्तचाप, सिम्पटम्स मल्टिपल स्क्लेरोसिस, मुख्य अंग प्रत्यारोपण, ओपन चेष्ट सीएबीजी, महाधमनीको शल्यक्रिया, ओपन हार्ट सर्जरी वा मुटुका भल्भहरूको मर्मत, मष्तिस्कघात, माइयोकार्डिअल इन्फ्राक्सन वा पहिलो हृदयाघात, कोमा, पूर्ण अन्धोपन, स्थायी रूपले भएको अंगहरूको पक्षाघात, अन्तिम चरणको कलेजोको विफलता, अन्तिम चरणको फोक्सोसम्बन्धी रोग, अल्जाइमर्स रोग, पार्किन्सन्स रोग, तेस्रो डिग्रीमा पोलेको÷डढेको गरी विभिन्न रोगहरू समावेश गरिएको छ ।

यस योजनामा सहभागी हुन नियमित बीमा शुल्कमा न्यूनतम रकम मात्र थप गरे पुग्ने कम्पनीले जानकारी गराएको छ ।

Advertisement

‘हामीले आमसर्वसाधारणलाई घातक रोग लाग्दा आइपर्न सक्ने आर्थिक संकटलाई दृष्टिगत गरी यो योजना अघि सारेका हौं’ कम्पनीका प्रमुख कार्यकारी अधिकृत विवेक झाले भने,’ हाल विश्वव्यापी रूपमा बढ्दै गएको घातक रोगहरूको उच्च जोखिमबाट हुने क्षतिलाई न्यूनीकरण गर्न यो योजनाले हाम्रा सेवाग्राहीहरूलाई ठूलो सहयोग पुग्ने विश्वास लिएका छौं ।’

‘बेस्ट म्यानेजमेण्ट अवार्ड’बाट सम्मानित

नेपाल लाइफ इन्स्योरेन्स कम्पनी ‘बेस्ट म्यानेजमेण्ट अवार्ड’बाट सम्मानित भएको छ । न्यू बिजनेस एज प्रालिले कम्पनीलाई ‘बेस्ट म्यानेजमेण्ट अवार्ड’बाट सम्मानित गरेको हो ।

यसअघि विश्वव्यापी परामर्शदाता कम्पनी फ्रष्ट एण्ड सुलिभानद्वारा प्रदान गरिने ‘बेष्ट प्राक्टिस अवार्ड २०१६’ अन्तर्गतको फाइनान्सियल इन्ष्टिच्यूशन अफ द इयर– इन्स्योरेन्स कम्पनी’ अवार्ड बाट सम्मानित भएको थियो । यो अवार्ड उत्कृष्ट सेवा सुविधा तथा व्यवस्थापन भएको कम्पनीलाई दिइने गरिन्छ ।

सम्बन्धित सामाग्री

नयाँ कर्मचारीले जीवन बिमा कोषमा नपुग रकम जम्मा गर्नुपर्ने

जीवन बीमक संघको साधारण सभाबाट नयाँ कार्यसमिति गठन

नेपाल लाइफ र राउन्ड टेबल नेपालद्वारा सगरमाथामा ५,००० किलो फोहोर संकलन

नागरिक लगानी कोषको अध्यक्षमा तुलसीप्रसाद घिमिरे नियुक्त

हिमालयन लाइफको नाफा रु. ५४.६९ करोड, यस्ता छन् अन्य सूचक

हिमालयन एभरेष्ट इन्स्योरेन्सको नाफा ५३ करोड २३ लाख