प्रथम डिएभी अन्तरकलेज फ्रेन्डली फुटसल टुर्नामेन्ट भव्य रूपमा सम्पन्न

सुदूरपश्चिम विश्वविद्यालयबाट सम्बन्धन प्राप्त ललितपुरको धोबिघाटमा अवस्थित डिएभी अन्तर्राष्ट्रिय कलेजले आयोजना गरेको प्रथम डिएभी फ्रेन्डली फुटसल टुर्नामेन्ट फागुन १० गते कलेज परिसरमा भव्य रूपमा सम्पन्न भएको छ।

Advertisement

यो टुर्नामेन्टमा काठमाडौं उपत्यकाका चारवटा बीएससी सीएसआईटी अध्ययनरत कलेजका विद्यार्थी टोलीहरूले सहभागिता जनाएका थिए। प्रतियोगितामा महर्षि कलेज, शिक्षालय कलेज र आयोजक डिएभी अन्तर्राष्ट्रिय कलेजलाई उछिन्दै हिमालय कलेजले प्रथम डिएभी फ्रेन्डली फुटसल टुर्नामेन्टको उपाधि जित्न सफल भयो।

पुरस्कार वितरण समारोहमा सहभागी सबै कलेजका खेलाडीहरूको प्रतिभा र उत्साहको कदर गर्दै प्रमाणपत्र प्रदान गरी सम्मान गरिएको थियो। डिएभी बीएससी सीएसआईटीका प्रमुख शशिभूषण चतुर्वेदीले बताएअनुसार यो टुर्नामेन्टको मुख्य लक्ष्य सीएसआईटी कलेजहरूबीच आपसी मित्रता र सहकार्य अभिवृद्धि गर्नु रहेको थियो।

कलेजद्वारा जारी विज्ञप्तिअनुसार यो फुटसल प्रतियोगितालाई निरन्तरता दिई आगामी वर्षहरूमा काठमाडौं उपत्यकाका सबै बीएससी सीएसआईटी कलेजहरूलाई समावेश गर्ने योजना रहेको छ।

सम्बन्धित सामाग्री

गृहमन्त्रीका एक वर्षः नीतिगत र कानुनी सुधारमा व्यापकता

सहकारी प्राधिकरणको अध्यक्षमा शर्मा नियुक्त

राजर्षि जनक विश्वविद्यालयको सिनेट : ३७ करोड ९३ लाख बजेट स्वीकृत

प्रधानमन्त्रीसहित तीन दलका शीर्ष नेताबीच छलफल

अमेरिकी भन्सार नीतिले युरोप–अमेरिका व्यापार वार्तामा बाधा

मुस्ताङको छेङ्गुरमा ‘हाइअल्टिच्युड खेल मैदान’