ग्रीनलाईफ हाइड्रोको १८ लाख कित्ता साधारण शेयर निष्काशन, ९ हजार कित्तासम्म आवेदन गर्न सकिने

ग्रीनलाईफ हाइड्रोपावर लिमिटेडले आजबाट १८ करोड रुपैयाँ बराबरको १८ लाख कित्ता साधारण शेयर निश्कासन गरेको छ ।

कम्पनीले कम्पनीले पहिलो चरणमा आयोजना प्रभावित स्थानीय बासिन्दाका लागि जारी पूँजी एक अर्ब ८० करोडको १० प्रतिशत शेयर निष्काशन गरेकाे हो ।

साधारण शेयरमा दोलखा जिल्लाको आयोजनाबाट प्रभावित क्षेत्र समूह ‘क’ अन्तर्गत गौरीशंकर गाउँपालिका वडा नं ७ मार्बु बासिन्दाहरुलाई पाँच लाख ४० हजार कित्ता (३० प्रतिशत) का लागि आवेदन दिन पाउनेछन् ।

यसैगरि समूह ‘ख’ अन्तर्गत गौरीशंकर गाउँपालिका वडा नं ५ सुरी, ६ चंखु, ८ खारे र ९ नं वडाका बासिनदाका लागि ७ लाख २० हजार कित्ता शेयरका लागि आवेदन गर्न सक्नेछन् ।

यस्तै समूह ‘ग’ अन्तर्गत गौरीशंकर गाउँपालिका वडा नं १ र २ जुगु वडा नं ३ र ४ झ्याकु र विगु गाउँपालिका वडा नं ४ लादुकका बासिन्दाका लागि ५ लाख ४० हजार कित्ता शेयर छुट्टाइएको छ ।

साधारण शेयर निश्कासन तथा बिक्री प्रबन्धक काठमाडौं क्यापिटल रहेको छ । क्यापिटलका अनुसार तीनवटै समूहका बासिन्दाहरुको कम्पनीको शेयरमा न्यूनतम २० कित्तादेखि अधिकतम ९ हजार कित्तासम्म आवेदन गर्नसक्ने छन् ।

साधारण शेयरमा ग्रीनलाईफ हाइड्रोपावर लिमिटेडको आयोजना स्थल, सेञ्चसरी कमर्सियल बैंक सिंगटी र चरिकोट शाखा तथा प्राइम कमर्सियल बैंकको शाखा कार्यालयहरु जिरी र बैतेश्वर शाखा कार्यालय मार्फत आवेदन गर्न सक्नेछन् ।

आईपिओमा माघ २२ गतेदेखि छिटोमा १५ दिन अर्थात फागुन ७ गतेसम्म र ढिलोमा ३५ दिन अर्थात फागुन २७ गतेसम्म आवेदन दिन सकिने बिक्री प्रबन्धक काठमाडौं क्यापिटलले जनाएको छ।

सम्बन्धित सामाग्री

निफ्राको बढ्यो वितरणयोग्य मुनाफा

उच्च अंकले बढ्यो नेप्से परिसूचक

आजदेखि आईपीओ निष्काशन गर्दै बन्दीपुर केवलकार

नेप्से परिसूचक २८९२.७२ विन्दुमा, कारोबार रकम भने घट्यो

पुँजीबजारमा साढे २१ अर्बको कारोबार, नेप्से परिसूचकमा झिनो सुधार

प्रभु हेलिकप्टरले आइपिओ जारी गर्दै