यति एयरलाईन्स दुर्घटनाका बीमितलाई एलआइसीद्वारा मृत्यु दावी भुक्तानी
समयपोष्ट
२०७९ फागुन १ गते १२:४१
लाइफ इन्स्योरेन्स कर्पोरेशन नेपालले यति एयरलाईन्सको जहाज दुर्घटनामा निधन भएका यात्रुका परिवारलाई मृत्यु दावी भुक्तानी गरेको छ ।
सोमबार कम्पनीका नायब कार्यकारी प्रमुख टी. वर्णवालले जहाज दुर्घटनामा निधन भएका यात्रुका परिवारलाई दाबी भुक्तानी हस्तान्तरण गरेका हुन् ।
कम्पनीले करिब ४१ लाख रुपैयाँ भुक्तानी गरेको जनाएको छ ।
गत माघ १ गते काठमाडौबाट पोखराका लागि उडेको यति एयरलाईन्सको जहाज दुर्घटना भएको थियो । जसमा चालक दलका सदस्यसहित ७२ जना सवार थिए ।
प्रतिक्रिया