राष्ट्रिय गौरबको खाँदबारी–किमाथाङ्का सडक ‘ब्रेक थ्रु’ हुँदै

राष्ट्रिय गौरबको जोगवनी किमाथाङ्का सडक यही माघ १४ गते सोमबार ‘ब्रेक थ्रु’ गरिने भएको छ ।

ऊर्जा, जलश्रोत तथा सिँचाइमन्त्री दीपक खड्काले हिमालय माबिको हिरक महोत्सवको उद्घाटन गर्नुहँुदै माघ १४ गते सोमबार सडक ब्रेक थ्रु गरिने जानकारी दिनुभयो । ब्रेक थ्रुपछि खाँदबारी किमाथाङ्का सडक जोडिने छ ।

कोशी राजमार्ग अन्तर्गतको खाँदबारी किमाथाङ्का सडक अन्तर्गत च्याम्ताङ्ग घोङघोप्पा खण्डको साढे १० किलोमिटर सडक पूरा भएको मन्त्री खड्काले बताउनुभयो । नेपाली सेनाले चट्टानी भिर फुटाइसकेकाले उहाँले बताउनुभयो । ब्रेक थ्रुसँगै सडकको स्तर उन्नती र चौँडा बनाउने काम गरिने उहाँले बताउनुभयो ।

यो खण्डमा सेनाले डबल ल्याण्डको १० दशमलब पाँच किलोमिटर सडक निर्माण पूरा गरिसकेको छ । सदरमुकाम खाँदबारीबाट च्याम्तांगसम्मको एक सय ३४ किलोमिटर सडक निर्माण भइसकेको छ । यसअघि नै किमाथाङ्काबाट घोङ्घोप्पासम्म १४ किमी सडकको कच्ची ट्याक खुलिसकेको थियो । खाँदबारी किमाथाङ्का सडकको दुरी एक सय ५८ किलोमिटर रहेको उत्तर दक्षिण कोशी सडक योजनाले जनाएको छ ।

सम्बन्धित सामाग्री

बैंकर्स सङ्घसँग भएको सहमति कार्यान्वयन गर्न माग

आज यी स्थानमा भारी वर्षाको सम्भावना

प्रकृतिप्रेमीका लागि गन्तव्य बन्दै चौरीखर्क

एमाले केन्द्रीय समितिको निर्णयः पूर्वराष्ट्रपति दलीय राजनीतिमा फर्कनुहुँदैन

नागरिक लगानी कोषले सिद्धार्थ बैंकको उपदान तथा अवकाश कोष सञ्चालन गर्ने

आज १० अर्ब बराबरको विकास ऋणपत्र बिक्री गरिदै, यसरी उठाइदैछ आन्तरिक ऋण