सिद्धार्थ बैंकको खुद नाफा १ अर्ब ५७ करोड
समयपोष्ट
२०७८ माघ ७ गते १७:५९
सिद्धार्थ बैंकले चालु आर्थिक वर्षको दोस्रो त्रैमाससम्ममा १ अर्ब ५७ करोड ७३ लाख रुपैयाँ नाफा कमाएको छ ।
जुन गत वर्षको सोहि अवधिको तुलनामा ७१.६८ प्रतिशतले धेरै हो।
बैंकले गत आर्थिक वर्षको दोस्रो त्रैमासमा ९१ करोड ८७ लाख रुपैयाँ खुद नाफा कमाएको थियो ।
बैंकको खुद ब्याज आम्दानी भने १८ प्रतिशतले बढेको छ भने सञ्चालन आम्दानी २० प्रतिशतले बढेको छ।
१२ अर्ब ५२ करोड रुपैयाँ चुक्ता पूँजी रहेको बैंकको जगेडा कोषमा ८ अर्ब ७ करोड रुपैयाँ छ।
बैंकको निक्षेप संकलन ४ प्रतिशतले बढेर १ खर्ब ८८ अर्ब रुपैयाँ पुगेको छ भने कर्जा लगानी ११ प्रतिशतले बढेर १ खर्ब ७६ अर्ब रुपैयाँ पुगेको छ।
बैंकको प्रतिशेयर आम्दानी २५ रुपैयाँ १९ पैसामा झरेको छ भने प्रतिशेयर नेटवर्थ १७१ रुपैयाँ २६ पैसा छ।
प्रतिक्रिया