घर आँगनकै फूलबाट नगद आर्जन गर्दै स्थानीय

तिहार पर्व नजिकिँदै गर्दा महोत्तरीका सर्वसाधारणलाई आफ्नै घरकरेसाको फुल नगद आर्जनको स्रोत बनेको छ ।

फुल खोज्दै हिँडेका व्यापारीले बैना रकम दिन थालेपछि यहाँका स्थानीय दङ्ग छन् । घर आँगनको शोभाका लागि रोपिएका केही बोट पूmलबाटै नगद पाउन थालेपछि यहाँका गृहिणीले आम्दानी लिन थालेका हुन् । “के छन् र त्यही ५० जति सयपत्रीका बोट होलान् घर वरिपरी, ब्यापारीले अहिले नै एक हजार बैना थमाएर गए”, भङ्गाहा–५ राजपुरकी गृहिणी हरिप्रिया महतो भन्नुहुन्छ, “हैन, यो फुल दिपावलीताका फुल्ने गरी लगाउने हो भने त राम्रै आम्दानी पो हुने रहेछ ।”

फुल लिन आउँदा अझै एक हजार दिने बोलकवोल ब्यापारीले गरेका उहाँको भनाइ छ । “फुलबाट पैसा पाइएला भन्ने सोचेकै थिएन, अहिले घरै आएर व्यापारीले पैसा दिँदैछन्”, हरिप्रियाकै छिमेकी रामवती चौधरी भन्नुहुन्छ, “अहिले यही पैसाले मेरो बटुवा (कपडाको सुर्के थैली) धनी भएको छ ।” आफ्नो घरआँगन र करेसाका करिब ६०/६५ बोट सयपत्री र १५/१६ वटा मखमली पूmलबाटै दुई हजार प्राप्त गरेको उहाँले बताउनुभयो । आगामी वर्षको दिपावलीताकालाई २०० बोट फुल फुलाउने चौधरीको धोको छ ।

मिथिलामा दीपावली थरिथरिका फुलका माला र जताततै झिलिमिली बत्तीको उज्यालोको पर्व मानिन्छ । यस पर्वमा मैथिल परम्पराका कागपूजा, लक्ष्मीपूजा, गोधन र भैयादुजसम्मका लागि चाहिने मालाको माग बढ्दै गएपछि फूल आम्दानीको स्रोत बनेको हो । पर्वअघि फुल खोज्दै बस्ती÷बस्ती पस्ने ब्यापारीले सोचेभन्दा बढी मूल्य दिन थालेपछि हम्मेसी पैसा नपर्ने स्थानीय हौसिएका छन् ।

Advertisement

जिल्लामा फुलको व्यावसायिक खेती विस्तार धेरै नभएपनि अब यस्को सम्भावना रहेको कृषि विज्ञ बताउँछन् । दिपावली, छठ जस्ता पर्व र सालैभरि आयोजना हुने धार्मिक अनुष्ठान एवं पूजाअर्चना तथा सभा समारोहलाई लक्षित गरी व्यावसायिक खेती सुरु गरिए जिल्लामा थप एउटा भरपर्दो आर्जनको बाटो खुल्ने कृषि ज्ञान केन्द्र महोत्तरीका सूचना अधिकारी अविरल महतो बताउनुहुन्छ ।रासस

सम्बन्धित सामाग्री

भेप प्रकरण: पूर्वउपराष्ट्रपति पुनमाथि पनि अनुसन्धान

गाजामा सात बन्धकहरू रेडक्रसलाई हस्तान्तरण

संरक्षणका पखाइमा चुदारा पेसा

झाडी फाडेर फलफूलखेती

बीउ बिक्रीबाट किसानको आम्दानी वृद्धि

पर्सामा महिलाको नाममा तीन सय ६३ घरेलु उद्योग सञ्चालन