‘काठमाडौँ क्रोनिकल्स’ : एमक्यूब, बीवाईडी र मेरिएटको साझेदारीमा नेपालको संस्कृति र सम्पदाको जीवन्त उत्सव

Advertisement

एमक्यूब नेपालले बीवाईडीसँगको सहकार्यमा आयोजना गरेको ‘काठमाडौँ क्रोनिकल्स’ कार्यक्रम नक्सालस्थित मेरिएट काठमाडौँमा भव्य रूपमा सम्पन्न भएको छ। यो कार्यक्रम नेपालको समृद्ध संस्कृति, सहकार्य र अन्वेषणको जीवन्त उत्सवका रूपमा समापन भएको छ। मेरिएटको MICE (Meetings, Incentives, Conferences, and Exhibitions) ग्राहकहरूका लागि विशेष रूपमा डिजाइन गरिएको यो पहलले परम्परागत सम्मेलनको ढाँचालाई तोड्दै नेपालको सम्पदामाझ साझेदारी र सम्बन्ध विस्तार गर्न सफल भएको छ।

‘काठमाडौँ क्रोनिकल्स’ ट्रेजर हन्ट शैलीमा आधारित एक नवीन कार्यक्रम थियो, जसले सहभागीहरूलाई काठमाडौँको जीवन्त सम्पदा, स्थानीय संस्कृति र टिम कार्यको अनुभव एकैसाथ प्रदान गर्‍यो। सहभागीहरू बीवाईडीका कारहरू मार्फत मेरिएट काठमाडौँबाट प्रस्थान गरी काठमाडौँ दरबार स्क्वायर, पाटन दरबार स्क्वायर र स्वयम्भूनाथ जस्ता ऐतिहासिक सम्पदास्थलहरूमा पुगेका थिए। प्रत्येक सम्पदास्थलमा टोलीहरूले रिडलहरू हल गर्ने, सांस्कृतिक चुनौतीहरू पूरा गर्ने र शहरको इतिहासका लुकेका कथाहरूलाई जीवन्त रूपमा अनुभव गर्ने अवसर प्राप्त गरे।

यस साहसिक यात्राले सहभागीहरूलाई रमाइलो, रोमाञ्चक र काठमाडौँको ऐतिहासिक सम्पदाको अनौठो अनुभूति प्रदान गर्‍यो। कार्यक्रमले नेपाल केवल बैठक स्थल मात्र नभई व्यापार, संस्कृति र साहसिक अनुभवको अद्वितीय गन्तव्य हो भन्ने सन्देश प्रवाह गर्न सफल भयो।

Advertisement

कार्यक्रमको समापन फेयरफिल्ड बाइ मेरिएट काठमाडौँमा भव्य उत्सव र सम्मान समारोहसहित भएको थियो। उत्कृष्ट प्रदर्शन गर्ने टोलीलाई ‘काठमाडौँ एक्सपर्ट्स’को उपाधि प्रदान गरिएको थियो।

मेरिएट इन्टरनेशनलका उत्तर भारत, नेपाल र भुटानका लागि मार्केट भाइस प्रेसिडेन्ट अरुण कुमारले कार्यक्रमबारे बोल्दै भने, “काठमाडौँ क्रोनिकल्सले नेपालको सम्पदा र संस्कृतिलाई परम्परागत बैठकभन्दा फरक र उत्कृष्ट अनुभवका रूपमा प्रस्तुत गरेको छ। वास्तविक आतिथ्य भनेको अर्थपूर्ण अनुभव सिर्जना गर्नु हो भन्नेमा मेरिएट विश्वास गर्छ। एमक्यूब र बीवाईडीसँगको यो सहकार्यले नेपाल व्यापार र अन्वेषण दुवैका लागि विशेष गन्तव्य हो भन्ने कुरा स्पष्ट गरेको छ।”

एमक्यूब, बीवाईडी र मेरिएटबीचको यो सहकार्यले नवप्रवर्तन, आतिथ्य र सम्पदालाई एकैसाथ जोड्न सफल भएको छ। ‘काठमाडौँ क्रोनिकल्स’ले एमक्यूब नेपाल २०२५ लाई नयाँ उचाइमा पुर्‍याउँदै MICE उद्योगले संस्कृति, दिगोपन र साहसिक अनुभवलाई कसरी एकीकृत गर्न सक्छ भन्ने उदाहरण प्रस्तुत गरेको छ।

सम्बन्धित सामाग्री

मुग्लिङ-नारायणगढ सडक खण्डमा ७ वटा गाडी एकआपसमा ठोक्किए

सिङ्गापुरका राष्ट्रपति थरमनसँग अर्थमन्त्री खनालको भेट

राती नौ बजेपछि देउसीभैली नखेल्न प्रशासनको आग्रह

च्याब्रुङको गीतको कथाले बन्यो ‘जारी २’

आजको लागि यस्तो छ विदेशी मुद्राको विनिमयदर

काठमाडौँका विभिन्न स्थानमा भेला प्रदर्शन गर्न निषेध