विवादित काश्मीरमा सामूहिक हिन्दू तीर्थयात्रा सम्पन्न

पाकिस्तानसँगको द्वन्द्वको केही हप्तापछि सुरक्षा चिन्ताहरूलाई वेवास्ता गर्दै विवादित भारत प्रशासित काश्मीरमा महिनाभरको तीर्थयात्रामा चार लाखभन्दा बढी हिन्दूले भाग लिएको अधिकारीहरूले बताएका छन् ।

तीर्थयात्रा जुलाई ३ मा सुरु भएको थियो र अगस्ट ९ मा आधिकारिक रूपमा समाप्त हुनेछ, तर आयोजकहरूले तीव्र वर्षाले साँघुरो बाटोहरूमा क्षति पु¥याएकाले समयअघि नै अन्त्य गर्न बाध्य भएको बताएका छन् ।

अधिकारी विजय कुमार बिधुरीले शनिबार राति एक वक्तव्यमा चार लाख १५ हजार तीर्थयात्रीले भाग लिएको जानकारी दिनुभयो ।

धेरै भक्तजनले पहलगाम नजिकैबाट अमरनाथ बरफ स्तम्भमा आफ्नो यात्रा सुरु गरेका थिए । पहलगाममा अप्रिल २२ मा बन्दुकधारीहरूले मुस्लिम बहुल क्षेत्रमा २६ जना हिन्दू पर्यटकको हत्या गरेका थिए ।

नयाँदिल्लीले बन्दुकधारीहरूलाई पाकिस्तानको समर्थन रहेको बताएको छ । इस्लामाबादले उक्त दाबीलाई अस्वीकार गरेको छ । पहलगाम घटनापछि कूटनीतिक बदलाबदली उपायहरूको शृङरखला सुरु ग¥यो, जुन चार दिनको द्वन्द्वमा परिणत भयो ।

सन् १९९९ पछि आणविक–सशस्त्र यी दुई मुलुकले गरेको यो सबैभन्दा खराब गतिरोध थियो । मे १० को युद्धविरामअघि दुवै पक्षमा मिसाइल, ड्रोन र तोप आक्रमणबाट ७० भन्दा बढी मानिस मारिएका थिए ।

नयाँदिल्लीले गत हप्ता पहलगाम आक्रमण गर्ने तीनजना पाकिस्तानी पुरुष जुलाई २८ मा गुफा मन्दिर रहेको पहाडको छेउमा रहेको जङ्गलमा भएको गोली हानाहानमा मारिएको बताएको थियो ।

केही भक्तजनले अझै पनि गुफाको भ्रमण गर्न सक्छन्, तर यस वर्षको सङ्ख्या २०२४ मा भाग लिने अनुमानित पाँच लाख भक्तभन्दा कम छ ।

अधिकारीहरूले हिन्दूहरूलाई तीर्थयात्रा गर्न अपील गरे । घटनाका लागि सुरक्षा बढाउँदै उच्च प्रविधिका निगरानी उपकरणहरूसहित ४५ हजार सेना परिचालन गरेर विनाशका देवता शिवलाई समर्पित गुफाको कठिन पदयात्रा निरीक्षण गरे ।

आइतबार अमरनाथ तीर्थयात्राबाट टाढा रहेको कुलगाममा भारतीय सेना र बन्दुकधारीबीच तेस्रो दिन पनि गोली हानाहान भएको थियो ।

सैनिकहरूले दुई जना लडाकूलाई मारेको एक वरिष्ठ प्रहरी अधिकारीले बताएका छन् ।

सन् १९४७ मा ब्रिटिस शासनबाट स्वतन्त्र भएदेखि नै काश्मीर भारत र पाकिस्तानबीच विभाजित भएको छ । दुवैले यसको केही भाग व्यवस्थापन गर्छन् र पूर्ण रूपमा दाबी गर्छन् ।

विद्रोही समूहहरूले काश्मीरको स्वतन्त्रता वा पाकिस्तानमा विलयको माग गर्दै दशकौँदेखि भारतीय सेनासँग लडिरहेका छन् ।

सम्बन्धित सामाग्री

सुनकोशी मरिन डाइभर्सन : सात वर्षमा ३७ प्रतिशत मात्र काम,समयमै पूरा नहुने पक्का

भिजिट भिसा अनियमितता मानव तस्करी होइन : महानिर्देशक तिवारी

लिचि बगैंचा घुस प्रकरण : मन्त्री मन्त्री गुप्तासंग जोडिएका सुजन लामा एमालेबाट निलम्बित

निर्मला हत्या प्रकरण नयाँ शिराबाट अनुसन्धान गर्न सिआइबीलाई गृहमन्त्री लेखकको निर्देशन

उच्च अंकले घट्यो नेप्से परिसूचक

मेटलाइफ नेपाललाई प्रतिष्ठित ‘ग्रेट प्लेस टु वर्क’ प्रमाणपत्रद्वारा सम्मान