आईएमई लाइफ इन्स्योरेन्सलाई “नेशनल बेस्ट प्रेजेन्टेड एनुअल रिपोर्ट अवार्ड २०२४”
आईएमई लाइफ इन्स्योरेन्स कम्पनी लिमिटेड ले नेपाल चार्टर्ड एकाउन्टेन्ट्स संस्थाद्वारा प्रदान गरिने प्रतिष्ठित “नेशनल बेस्ट प्रेजेन्टेड एनुअल रिपोर्ट अवार्ड २०२४” अन्तर्गत मेरिट अवार्ड जित्न सफल भएको छ ।
उक्त सम्मान काठमाडौंस्थित होटल र्याडिसनमा आयोजित विशेष समारोहमा प्रदान गरिएको हो । कार्यक्रममा कम्पनीका प्रमुख कार्यकारी अधिकृत पवन कुमार खड्का र प्रमुख वित्त अधिकृत जगत बहादुर बोहरा ले संयुक्तरूपमा उक्त पुरस्कार ग्रहण गरे ।
आईएमई लाइफले यो सम्मान जित्दै नेपालका जीवन बीमा कम्पनीहरूमा यो अवार्ड प्राप्त गर्ने दुर्लभ संस्थामध्ये एक बन्न सफल भएको छ । अहिलेसम्म यो अवार्ड केवल दुई जीवन बीमा कम्पनीहरूले मात्र प्राप्त गरेका छन् ।
कम्पनीले यस उपलब्धिलाई पारदर्शिता, जवाफदेहीपन, तथा संस्थागत सुशासनमा आधारित व्यवस्थापन अभ्यासको मान्यता र सम्मानका रूपमा लिएको छ । कम्पनीका अनुसार, उसले निरन्तर सहभागितामूलक, समावेशी र उत्तरदायी कार्यशैली, पारदर्शी सूचना सम्प्रेषण, र वित्तीय अनुशासनलाई प्राथमिकतामा राख्दै आएको छ ।
यस अवार्डको अवसरमा कम्पनीले बीमा नियामक निकाय, बीमितहरू, कर्मचारी, साझेदार संस्थाहरू र सरोकारवालाहरूलाई आभार व्यक्त गर्दै भविष्यमा अझ प्रभावकारी, उत्तरदायी र विश्वसनीय जीवन बीमा सेवा प्रदायकको रूपमा अगाडि बढ्ने प्रतिवद्धता व्यक्त गरेको छ ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया