आज पनि घट्यो नेप्से परिसूचक

साताको अन्तिम कारोबार दिन आज नेप्से परिसूचक १२.१० अंक घटेर २७२७.३६ विन्दुमा झरेको छ। आज सेन्सेटिभ इण्डेक्स २.३५ अंक घटेको छ भने फ्लोट इण्डेक्स ०.९३ अंक र सेन्सेटिभ फ्लोट इण्डेक्स ०.६९ अंक घटेको छ।

नेप्सेसँगै कारोबार रकम पनि घटेको छ। हिजो १३ अर्बको शेयर खरिदबिक्री भएको बजारमा आज ३१६ स्टकको १ लाख १२ हजार ६९२ पटकको कारोबारमा ९ अर्ब ६५ करोड १५ लाख १३ हजार रुपैयाँ बराबरको २ करोड १ लाख ५३ हजार कित्ता शेयर खरिदबिक्री भएको छ।

आज १३ उपसमूहमध्ये लघुवित्त र व्यापार उपसमूहको परिसूचक बढेको छ भने बाँकी ११ उपसमूहको परिसूचक घटेको छ। यस दिन लघुवित्तको उपसमूहको परिसूचक सर्वाधिक १.६८ प्रतिशत बढेको छ भने व्यापार उपसमूहको परिसूचक ०.१६ प्रतिशत बढेको छ। यस दिन लगानी उपसमूहको परिसूचक सर्वाधिक १.३६ प्रतिशत घटेको छ। त्यस्तै, यस दिन जलविद्युत उपसमूहको परिसूच्क १ प्रतिशत घटेको छ।

आत्मनिर्भर लघुवित्त वित्तीय संस्थाको शेयरमूल्य सर्वाधिक १० प्रतिशत बढेको छ। आज सो लघुवित्तको शेयरमूलय ४७० रुपैयाँ बढेर ५ हजार १७० रुपैयाँमा अन्तिम कारोबार भएको छ। युनिक नेपाल लघुवित्तको शेयरमूल्य ९ प्रतिशतभन्दा बढी बढेको छ भने नेष्डो समृद्ध लघुवित्तको शेयरमूल्य करिब साढे ८ प्रतिशत बढेको छ। कारोबारमा आएको नेपाल फाइनान्सको शेयरमूल्य सर्वाधिक ८.९१ प्रतिशत घटेको छ।

सम्बन्धित सामाग्री

भारतीय उपराष्ट्रपति धनखडले दिए राजीनामा

घुस रकमसहित वरिष्ठ वन अधिकृत यादव अख्तियारको नियन्त्रणमा

गोरखाका पाँच स्थानीय तहमा जग्गाको कित्ताकाट नहुने

एमाले केन्द्रीय कमिटीको आजको बैठक सम्पन्न, भोलि पुनः बस्ने

भारतको सहयोगमा नेपालमा पाँच परियोजना : शिक्षा र स्वास्थ्य क्षेत्र प्राथमिकतामा

पब्जी ‘इ—स्पोर्ट्स विश्वकप’मा नेपालले भाग लिँदै