गुण नियन्त्रण डिभिजन कार्यालय स्थापना

धुलिखेलमा काभ्रेपलाञ्चोक, सिन्धुपाल्चोक र दोलखा जिल्लालाई कार्यक्षेत्र बनाइ नेपाल खाद्य, प्रविधि तथा गुण नियन्त्रण डिभिजन कार्यालय स्थापना गरिएको छ ।

Advertisement

उक्त कार्यालयले खाद्य भण्डार, खाद्य उद्योग र होटलमा अनुगमन तथा निरीक्षण गर्ने खाद्य निरीक्षक शिवप्रसाद भण्डारीले जानकारी दिए ।

उहाँले भन्नुभयो, “अनुगमनका क्रममा खाद्यान्न शङ्कास्पद भए नमूना सङ्कलन गरेर परीक्षण गरी कारवाहीका लागि सिफारिश गर्छौं ।” खाद्य ऐन २०२३ मा गुणस्तरहीन देखिएमा रू ५० हजार जरिवाना वा पाँच वर्ष कैद वा दुवै जरिवाना गर्न सकिने व्यवस्था छ ।

तीनवटै जिल्लामा रहेका होटलको खाद्य स्वच्छताका आधारमा वर्गीकरण गरी स्तरीकरण गर्ने र स्टिकर टाँस्ने, विद्यालयस्तरमा स्वच्छता र परीक्षणसम्बन्धी जनचेतना अभिवृद्धि गर्ने, स्थानीय तहको वडास्तरमा स्वच्छता समूह गठन गरी समूहमार्फत अनुगमन निरीक्षण गर्ने र स्थानीय प्रशासन, सुरक्षाकर्मी तथा सरोकारवाला सहितसंयुक्तरुपमा बजार अनुगमन निरीक्षण गर्ने डिभिजन कार्यालयको उद्देश्य रहेको निरीक्षक भण्डारीले बताए ।

कार्यालय उद्घाटन कार्यक्रममा नेपाल खाद्य, प्रविधि तथा गुण नियन्त्रण विभागका महानिर्देशक सञ्जीवकुमार कर्णले खाद्य पदार्थमा मिसावट बढ्दै गएपछि प्रभावकारी अनुगमन गरी नियमन गर्न मुलुकको नयाँ संरचनाअनुसार २४ स्थानमा यस्ता कार्यालय स्थापना गरिएको जानकारी दिए ।

Advertisement

उहाँका अनुसार विराटनगर, जनकपुर, हेटौँडा, भैरहवा, नेपालगञ्ज र धनगढीमा क्षेत्रीयस्तर खाद्य प्रयोगशाला तथा काठमाडौँमा केन्द्रीय खाद्य प्रयोगशाला स्थापना गरिएको छ ।रासस

सम्बन्धित सामाग्री

दूधमा आत्मनिर्भर काभ्रे : ७० प्रतिशत आपूर्ति अन्यत्र जिल्लामा

मुगु केन्द्रविन्दु भएर दोस्रो दिन पनि भूकम्प

मुगुको कोटडाँडा आसपास केन्द्रविन्दु भएर भूकम्प

आज र भोलि विभिन्न १२ जिल्लामा भारी वर्षा हुने सम्भावना

अमेरिका र चीनबीच व्यापारसम्बन्धी सम्झौतामा हस्ताक्षर

कर नीतिविरुद्ध सुनचाँदी व्यवसायीहरूद्वारा चरणबद्ध आन्दोलनको घोषणा