विदेशबाट ल्याएको मोबाइल पौष १५ भित्र एमडीएमएस प्रणालीमा दर्ता नगरे नचल्ने
पौष १५ गते भित्र व्यक्तिगत रुपमा विदेशबाट किनेर ल्याइएको वा आफन्तले पठाएका मोबाइल सेटहरु एमडीएमएस प्रणालीमा दर्ता गर्न नेपाल दूरसञ्चार प्राधिकरणले आग्रह गरेको छ ।
प्राधिकरणले शनिबार एक सुचना जारी गर्दै पौष १५ गतेभित्र विदेशबाट ल्याइएका मोबाइल सेटहरु एमडीएमएस प्रणालीमा दर्ता नगरे नचल्ने जानकारी दिएको छ ।
प्राधिकरणले विदेशबाट आउने नेपालीहरुले निजी प्रयोजनका लागि आफ्नो साथमा ल्याएका मोबाइल सेटहरुको आइएमइआइ नम्बरसहितको भन्सार घोषणा गरी भन्सार ऐन अनुसार प्रज्ञापनपत्र लिन भनेको छ । यस्तो प्रावधान एमडीएमएस प्रणालीमा दर्ता नभएका वा नेपालमा २०७९ भदौ महिनाभन्दा अगाडि प्रयोग नभएका मोबाइलको हकमा लागू गराएको हो ।
नियम अनुसार भन्सार घोषणा नभएका मोबाइल फोन सेट पुस पौषदेखि दर्ता नगरिने र यस्ता मोबाइल सेट सन्चालनमा समेत रोक लगाइने भन्दै प्राधिकरणले व्यक्तिगत प्रयोजनका लागि ल्याइएका मोबाइल सेटहरु प्रज्ञापनपत्रसहित दर्ता गर्न भनेको छ । नेपालभित्रै मोबाइल खरिद गर्दा पनि उक्त सेट एमडीएमएस प्रणलाीमा दर्ता भए नभएको एकिन गर्न प्रयोगकर्तालाई आग्रह गरेको छ
मोबाइल सेटको गैरकानूनी आयात, बिक्री वितरण तथा चोरी नियन्त्रण गर्न एमडीएमएस प्रणाली लागु गर्न लागेको हो । चोरी भएका तथा हराएका मोबाइल सेटको बारेमा प्राधिकरणले यो प्रणाली यसअघि लागु गरेकोमा अब पुस १५ देखि सबैमा लागू हुने भएको छ ।
प्रतिक्रिया