लेट मि इन मिसेस व्यूटी क्वीनको लागि २० प्रतियोगी छनौट, विजेताले पाउछन् यस्ता अवसर

सिजन मिडियाद्धारा आयोजीत विवाहीत महिलाहरुमा केन्द्रित “लेट मि इन मिसेस व्यूटी क्वीन नेपाल २०२०” तेस्रो संकरणको अडिसन शनिवार कमलादिको सिडव्लु पार्टी प्यालेसमा एक कार्यक्रम आयोजना गरि सम्पन्न भएको छ ।

विवाहित महिलाहरुको सहभागीतालाइ ध्यानमा राखि सिजन मिडियाले तेस्रो चरणको लागि कार्यक्रम गर्न लागेको सिजन मिडियाका प्रवन्ध निर्देशक प्रदीपराज वन्तले जानकारी दिए ।

‘महिलाहरुको व्यक्तित्व विकास, आत्मविश्वास अभिवृद्धि, वाक कला तथा नेतृत्वदायी क्षमताको विकास साथै त्यसको आवश्यकताको महसुस गरी सोही अनुरुप त्यसको उपयोगिताबारे मार्ग निर्देशन दिंदै समाज एउटा सक्षम महिला र जिम्मेवार व्यक्तिको रुपमा अगाडि वढाउन सहयोग गर्ने हेतुले यो कार्यक्रम आयोजना गर्दै आइरहेका छौं’ उनले भने ।

विगत एघार वर्ष देखि काठमान्डौमा रहेर राष्ट्रिय तथा अन्तर्राष्ट्रिय क्षेत्रमा विभिन्न सामाजिक सांस्कृतीक तथा मनोरञ्जनात्मक कार्यक्रमहरु गर्दै आएको मिडियाले विगत ३ वर्ष देखि निरन्तर रुपमा यो प्रतियोगितात्मक कार्यक्रम गर्दै आएको छ । यो तस्रो संस्करणको लागि पहिलो अडिसनवाट २० प्रतियोगी छनौट गरिएको छ ।

छनौट कार्यक्रममा कोरीयोग्राफर रोजिन साक्य सौन्दयकर्मी मिना थापा,मिसेस व्यूटी क्वीन पहिलो संस्करणकी विजेता सुदीक्षा भट्टराई,जुम्वा प्रशिक्षकद्धय सोनाम केसी र देविका राई रहनु भएको थियो । उक्त प्रक्रियावाट छनौट भएका प्रतियोगीहरुलाई आइतवारवाट प्रशिक्षण दिइने निर्देशक वन्तले बताए ।

शारारिक फिटनेश ,जुम्वा ,एरोविक्स,सेल्फ डिफेन्स, सेल्फ मेकअप, फोटो सेसन,टेवल म्यानर, व्यक्तित्व विकास सम्वन्धी पनि प्रशिक्षण,हिड्न वोल्न साथै प्रश्न उत्तर सिकाइने छ ।

विभिन्न सामाजिक संस्थाहरुको संस्थागत भ्रमण जस्तै, माइती नेपाल ,वाल आश्रम, वृद्धा आश्रम आदि मिडिया भिजिट, कल्चरल भिजीट पनि गराइने छ ।

स्टेज पर्फमेन्स क्याटवाक आदि लगायतका विद्यामा भने कोरियोग्राफर रोजीन शाक्यले गु्रमिङ गर्नु हुनेछ । साथै नेपालका विभिन्न कलाकार, पत्रकार, मानवअधिकारकर्मी, समाज सेवी तथा विशिष्ट व्यक्तिहरुसंग अन्तरक्रिया कार्यक्रम साथै आन्तरीक प्रतिभा तथा प्रतियोगीतात्मक कार्यक्रमहरु संन्चालन गरिने छ ।

प्रतियोगिताका विजेताले “लेट मि इन मिसेस व्यूटी क्वीन नेपाल २०२०”को उपाधी सहित टिभिएस स्कुटर, इन्डोनेसीयाको वालि भ्रमणको लागि ३ जना विजेतालाई हवाई टिकट र विभिन्न घरयसी समानहरु टिभि, फ्रिज वासिङ मेसिन आदि उपहारहरु पाउने छन् ।

यस बाहेक अन्य विभिन्न १७ विधामा पनि उपविजेता छनौट गरिनेछ । विजेताहरुलाई विभिन्न अन्तर्राष्ट्रिय प्रतियोगीतामा सहभागी गराइने छ ।

सम्बन्धित सामाग्री