‘मिटु’ बारे मौन करिष्माले बल्ल खोलिन् मुख
समयपोष्ट
२०७५ कार्तिक २६ गते ५:४८
बलिउड अभिनेत्री करिश्मा कपूरले यौनशोषणको घटनाबारे आफ्नो भनाई सार्वजनिक गरेकी छिन् । ९० को दशकमा निकै लोकप्रिय रहेकी अभिनत्री कपूरले केही समयदेखि महिलाका यौनशोषणका कहानी सुन्दै आइरहेको र यसले आफू निकै दुखी भएको बताएकी छिन् ।
उनले महिलाले हिम्मत गरेर आफू शोषित भएको घटना सार्वजनिक गर्नु निकै ठूलो कुरा भएको समेत उल्लेख गरिन् ।
एक भारतीय मिडियालाई दिएको अन्तरवार्तामा उनले महिलाहरुले धेरै पीडा सहँदै आएको भन्दै यो मामलामा दोषीलाई सजाय दिनुपर्ने र कार्यक्षेत्रमा महिलालाई सुरक्षित बनाउन प्रयास गर्नुपर्नेमा जोड दिइन् ।
फिल्मी दुनियाँबाट टाढा रहेकी उनी केही इभेन्ट ब्रान्ड प्रमोसन र विज्ञापनमा भने देखिने गरेकी छिन् ।एजेन्सी
प्रतिक्रिया