स्टान्डर्ड चार्टर्ड बैंकको १०% कर्मचारी कटौती हुने

स्ट्यान्डर्ड चार्टर्ड बैंकले भारतसहित एसिया क्षेत्रका आफ्ना शाखाहरुबाट १० प्रतिशत कर्मचारी कटौती गर्ने भएको छ । रोयटर्सले बैंकको केन्द्रीय प्रमुख कार्यकारी अधिकृत बिल विन्टर्सलाई उदृत गर्दै लागत कम गर्नका लागि बैंकले वाध्य भएर कर्मचारी कटौती गर्ने निर्णयमा पुगेको जनाएको छ। कर्मचारी कटौती यसै साताबाट सुरु हुने छ।
 
बैंकमा ८४ हजार ४७७ कर्मचारी कार्यरत छन्। यो संख्या गत जुन महिनासम्मको हो। १० प्रतिशत कर्मचारी घटाउने निर्णयले नेपालमा पनि कटौती हुन्छ या हुँदैन भन्ने समाचारमा खुलाइएको छैन। समाचार अनुसार सिंगापुर, भारत र हङकङमा भने यसै साताबाट कर्मचारी कटौतीको काम थालिने छ।

त्यस्तै स्ट्यान्डर्ड चार्टर्डका एसिया क्षेत्रका प्रमुख कार्यकारी अधिकृत अजय कवलले राजिनामा गरेका छन्। बैंकबाट वाहिरिएको लगानीका बारेमा जानकारी दिन नसकेको आरोप कवलमाथि छ। कवल १९९२ देखि बैंकसँग आवद्ध थिए। उनले नेपाल स्थित स्ट्यान्डर्ड चार्टर्ड पनि हेर्थे।

कवलको ठाउँमा अब कमर्सियल तथा प्राइभेट बैकिङ प्रमुख अन्ना मार्स जाने छन् । उनलाई कामुको जिम्मेवारी दिइसकिएको छ।

सम्बन्धित सामाग्री

भारतीय उपराष्ट्रपति धनखडले दिए राजीनामा

घुस रकमसहित वरिष्ठ वन अधिकृत यादव अख्तियारको नियन्त्रणमा

गोरखाका पाँच स्थानीय तहमा जग्गाको कित्ताकाट नहुने

शवदाह मेसिन खरिद प्रकरण : सदस्य सचिव १ लाख धरौटीमा रिहा

एमाले केन्द्रीय कमिटीको आजको बैठक सम्पन्न, भोलि पुनः बस्ने

भारतको सहयोगमा नेपालमा पाँच परियोजना : शिक्षा र स्वास्थ्य क्षेत्र प्राथमिकतामा