विर अस्पतालले सेवा विस्तारको लागि पायो पन्ध्र करोड
समयपोष्ट
२०७३ कार्तिक २५ गते ८:४०
स्वास्थ्य मन्त्रालयले विर अस्पतालका विभिन्न सेवा विस्तार गर्न पन्ध्र करोड रुपैयाँ उपलब्ध गराएको छ ।
स्वास्थ्य मन्त्रालयले अस्पतालको पुरानो सघन उपचार कक्ष (आइसीयू)को स्तरोन्नती, टोकन प्रणाली लागू गर्न र रेडियोलोजी मेसिन बनाउन एकमुष्ट बजेट उपलब्ध गराएको हो ।
अस्पतालमा करीब छ महिनादेखि रेडियोलोजी मेसिन विग्रिएर सेवाग्राहीहरु मर्कामा परेका थिए ।
त्यस्तै क्यान्सर वार्डको रेडियोलोजी मेसिन केही महिनादेखि बिग्रिएर थन्किएको अवस्थामा छ । मेसिन मर्मत गरेर छिट्टै सञ्चालनमा आउने अस्पतालले जनाएको छ ।
मेसिन नहुँदा सर्वसाधारणले अन्य अस्पतालमा गएर महँगो शुल्क तिरेर उपचार गर्न बाध्य भएका थिए ।
प्रतिक्रिया