भारतीय राष्ट्रपति प्रणव मुखर्जीले पशुपतिनाथ मन्दिरमा लाखवत्ती बालेर गरे विशेष पूजा
नेपाल भ्रमणमा रहेका भारतीय राष्ट्रपति प्रणव मुखर्जीले विहीबार विहान पशुपतिनाथ मन्दिरमा लाखवत्ती बालेर विशेष पूजा गरेका छन् । उनले मन्दिर परिसरमा अवस्थित बासुकी मन्दिरका साथै गणेश, सूर्य, नारायण, भैरव,नवग्रह लगायत देवीदेवताको पूजाअर्चना र शास्त्रोक्त विधिपूर्वक पञ्चामृत स्नान तथा रुद्रीपाठसहित पूजा गरे । राष्ट्रपति मुखर्जीले पशुपतिनाथ मन्त्रदीरमा खाममा राखेर भेटी चढाएका थिए ।
मित्रराष्ट्र भारतका राष्ट्राध्यक्षको विशेष पूजालाई अविस्मरणीय बनाउने गरी तयारी गरिएको थियो । राष्ट्रपतिद्वारा विशेष पूजा सम्पन्न भएपछि मूलभट्टले फूलप्रसाद प्रदान गरे भने कोषका अध्यक्षसमेत रहेका संस्कृति, पर्यटन तथा नागरिक उड्डयनमन्त्री जीवनबहादुर शाहीले कोषका तर्फबाट राष्टपति मुखर्जीलाई स्नेहोपहार प्रदान गरेका थिए । राष्ट्रपति मुखर्जीले मन्दिरको मुख्य गेट अगाडि पशुपति क्षेत्र विकास कोषका कर्मचारीहरुसँग तस्वीर पनि खिचाएका थिए ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: [email protected]
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया