जेन-जी युवाहरुको आक्रोशः घाइते र सहिदको रगतमा उभिएर बनेको सरकारले जेन-जीमाथि नै दमन गर्यो

Advertisement

शान्तिपूर्ण आन्दोलनमा सरकारले धरपकड गरेको भन्दै जेन–जी युनाइटेड समूहले आपत्ति जनाएको छ । आज (शनिबार) रिपोर्टर्स क्लब नेपालमा पत्रकार सम्मेलन गर्दै जेन–जी युनाइटेडका अगुवाहरुले सरकारको विरोध गरेका हुन् ।

जेन–जी युनाइटेडका अगुवा सागर तामाङले आफूहरुलाई सरकारले युनिफिकेशन हुने मौका नै नदिएको बताए । सरकारले पक्राउ परेका सबै प्रदर्शनकारीहरुलाई विना शर्त तत्काल रिहा गर्नुपर्ने उनले बताए । आफूहरुमो माग पूरा नभएसम्म आन्दोलन भने निरन्तर अगाडि बढिरहने उनको चेनावनी छ ।

‘हामी जेन–जीहरु आन्दोलन गर्दैगर्दा युनिफिकेशन हुनुपर्छ भन्न पनि नपाउनु ? अब हुँदैन यसरी । सरकारले हाम्रा साथीहरुलाई छोड्नुपर्यो । हाम्रो मागहरु छिटो पूरा गर्नुपर्यो । हाम्रो युनिफिकेशन क्याम्पियन जहिलेसम्म पूरा हुँदैन, त्यतिबेलासम्म लागिरहने हो,’– उनले भने ।

त्यस्तै, अर्का वक्ता मन्जना राईले जेन–जीले बनाएको सरकारले जेन–जीलाई नै टुक्रा–टुक्रा बनाउन चाहेको टिप्पणी गरिन् । ‘हाम्रै आँखा अगाडि हाम्रा साथीहरुलाई लछारपछार गरेर लगिएको छ । जेन–जीले बनाएको सरकार छ । जेन–जीलाई नै टुक्रा–टुक्रा बनाउनको लागि बनाइएको सरकार हो त्यो ?’ प्रश्न गर्दै उनले भनिन् ।

Advertisement

त्यस्तै, अर्का वक्ताले जेन–जीहरुको रगतको आहालमा बसेर वर्तमान सरकारले उनीहरुमाथि नै अन्याय गरिराखेको बताए । उनले आज प्रदर्शनकारीहरुलाई प्रहरीले लछारपछार गरेको भन्दै आफूहरुको घोर आपत्ति रहेको बताए । प्रदर्शनको क्रममा पु्रुष प्रहरीले महिला प्रदर्शनकारीमाथि अभद्र व्यबहार गरेको उनको आरोप छ । ‘जेन–जीले बनाएको सरकार छ । रगतको आहालमा बसेर यो सरकारले हामीलाई धरपकड गरिरहेको छ । पुरुष प्रहरीले महिलालाई अभद्र व्यबहार गरेर भेनमा हालेर लगेको छ । यसमा हाम्रो घोर विरोध छ ।’

आफूहरुले भोलि पनिशान्तिपूर्ण कार्यक्रम गर्ने र यदि धरपकड भएमा पर्सी देशैभरी नै रणनीति बनाएर अगाडि बढ्ने उनले बताए ।

जेन–जी आन्दोलनका घाइते भुपेन्द्र खड्काले सरकारले जेन–जीहरुको शान्तिपूर्ण कार्यक्रम र आवाजलाई दवाउन खोजेको बताए । घाइते र सहिदहरुको रगतमा उभिएर बनेको सरकारले जेन–जीमाथि नै दमन गरिरहेको उनले बताए ।

सम्बन्धित सामाग्री

जेनजी आन्दोलनको नाममा अनावश्यक धर्ना–प्रदर्शन नगर्न सरकारको आग्रह

उत्तर कोरिया एक प्रकारको आणविक शक्ति हो– ट्रम्प

सडकमा प्रदर्शन नगरौँ, सरकार संवादका लागि तयार छः गृहमन्त्री अर्याल

प्रधानमन्त्रीसँग गृहमन्त्रीसहित चारवटै सुरक्षा निकायका प्रमुखले गरे छलफल

माइतीघरमा प्रदर्शन गर्न पुगेका ५० जना जनेजी प्रहरी नियन्त्रणमा

राष्ट्रपति ट्रम्पको एसिया भ्रमण प्रारम्भ, सी जिनपिङसँग उच्चस्तरीय वार्ता र किमसँग सम्भावित भेटप्रति उत्सुकता