म्यानुअल लिफ्ट सुविधा भएको साझाका तिस नयाँ बस सञ्चालनमा आउँदै
काठमाडौं । हृवील चियर प्रयोगकर्ताहरु सजिलै बस चढ्न र ओर्लन सक्ने म्यानुअल लिफ्ट सुविधा भएको बस साझा यातायातले सञ्चालनमा ल्याउँने भएको छ ।
साझा यातायातले दुई सातापछि तिस नयाँ यस्ता मास बस सञ्चालन गर्ने तयारी गरीरहेको जानकारी दिएको छ ।
बसको पछिल्लो भागको ढोकाबाट हृवील चियर प्रयोगकर्ताहरु सजिलै बस चढ्न र ओर्लन सक्ने साझाले जनाएको छ ।
नयाँ बसमा दुईवटा फराकिला ढोका छन् । बसको पछिल्लो भागको ढोकाबाट बसमा दुईवटा हृवील चेयर अटाउने स्पेश छ ।
बसभित्र हृवीलचियर अड्याएर सिटबेल्ट बाँधेर बस्न सकिन्छ ।
साझाको बोर्ड बैठकले कुन रुटमा नयाँ बसहरु चलाउने भन्ने निर्णय गर्न बाँकी रहेको जनाएको छ ।
काठमाडौं महानगरपालिकालाई १० करोडको शेयर बेचेर साझा यातायातले ३० वटा नयाँ बस किनेको हो ।
यी नयाँ बस झण्डै ११ मिटर लामा छन् । काठमाडौंका सडकमा यात्राका लागि यी बस सुविधाजनक, आकर्षक हुने मानिएको छ ।
प्रतिक्रिया