संविधान संशोधन गनुपर्छ भन्नेमा सबै दल सहमत छन् :प्रधानमन्त्री
समयपोष्ट
२०७३ कार्तिक ३ गते ६:१९
काठमाडौं । प्रधानमन्त्री पुष्पकमल दाहाल ‘प्रचण्ड’ले संविधान संशोधन गर्नुपर्छ भन्नेमा सबै दल सहमत भएको बताएका छन् ।
बुधबार सिंहदरवारमा बसेको माओवादी केन्द्र संसदीय दलको बैठकलाई सम्बोधन गर्दै प्रचण्डले संविधान संशोधन गर्ने विषयमा सबै दल सहमत भएपनि के के कुरा संशोधन गर्ने भनेर कन्टेन्टमा छलफल भइरहेको बताएका हुन् ।
उनले संविधान संशोधनबारे प्रमुख विपक्षी नेकपा एमालेसहित सबै दलसँग सकारात्मक छलफल भइरहेको पनि बताए ।
बैठकमा प्रचण्डले सिमांकन, नागरिकता लगायतका विषयमा संविधान संशोधनको गृहकार्य भइरहेको बताए ।
उनले सिमांकनबाहेक अन्य विषयमा संशोधन प्रक्रियामा खासै समस्या नहुने विश्वास व्यक्त गरे ।
छठ पर्व लगत्तै संविधान संशोधन गर्ने तयारी भइरहेको दाहालले जानकारी दिए ।
प्रतिक्रिया