मेटलाइफद्वारा पोखरा र बुटवलका कार्यालयहरु शाखा कार्यालयमा रुपान्तरण
मेटलाइफ नेपालले पश्चिम नेपालमा रहेका आफ्ना कार्यालयहरुमा सुविधाहरु विस्तार गरेको छ ।
कम्पनीले पोखरा र बुटवलजस्ता प्रमुख बजार केन्द्रहरुमा रहेका कार्यालयहरुलाई रुपान्तरण गरि शाखा कार्यालयहरुमा सुविधाहरु विस्तार गरेको हो ।
उक्त कार्यालयहरुमार्फत बीमा आवेदन तथा प्रीमियम संकलन, पोलिसि वितरण तथा पोलिसि परिवर्तन, पुनस्र्थापना, ग्राहक सोधपुछ प्रबन्धन सहित अन्य कागजात प्रशोधन सम्बन्धी सेवाहरु प्राप्त गर्न सकिने कम्पनीले जनाएको छ ।
दुवै कार्यालयहरुको समुद्घाटन कम्पनीका उपाध्यक्ष तथा महाप्रबन्धक निर्मल काजी श्रेष्ठ र अन्य वरिष्ठ कर्मचारीहरुको उपस्थितिमा गरिएको हो ।
यस परिमार्जनले उक्त क्षेत्रका ग्राहकहरुलाई सुविधामा थप पहुँच प्राप्त गर्न सहयोग मिल्ने कम्पनीको विश्वास छ । उक्त कार्यालयहरुमा स्वास्थ्य तथा सुरक्षा मापदण्डहरु कायम राख्नका लागि चाहिने आवश्यक खुल्ला ठाउँहरु पनि यथेष्ट रहेको छ ।
मेटलाइफका ग्राहकहरुले कम्पनीको वेबसाइट वा ग्राहक सेवा एप मार्फत सम्पूर्ण सेवाहरु डिजिटल माध्यमबाट पनि प्राप्त गर्न सक्ने कम्पनीले जनाएको छ ।
नयाँ आवेदन, पोलिसि परिवर्तन तथा प्रीमियम संकलन जस्ता सेवाहरु कार्यालय परिसरका साथै डिजिटल रुपमा पनि सजिलै प्राप्त गर्न सकिन्छ ।
उद्घाटनका क्रममा, महाप्रबन्धक निर्मलकाजी श्रेष्ठले मेटलाइफको उद्देश्य ग्राहकहरुको अनुभव अभिवृद्धि गर्ने रहेको र हाल रुपान्तरित शाखा कार्यालयहरुले पश्चिम नेपाल र आसपासका आफ्ना ग्राहकहरुलाई गुणस्तरीय सुविधा प्रदान गरि ग्राहक अनुभवलाई नयाँ आयाम दिने बताउनुभयो । साथै वहाँले शाखाहरुमा निहित थप सुविधाहरुको प्रावधान र सबैलाई पायक पर्ने स्थानले गर्दा आफ्ना ग्राहकहरुलाई सेवा प्रदान गर्ने क्षमतामा समेत वृद्धि हुने र उक्त क्षेत्रका समुदायहरुलाई अपरिहार्य जीवन सुरक्षाका आवश्यकताहरुमा पहँुच बढाउने विचार पनि व्यक्त गर्नुभयो ।
मेटलाइफ नेपाल मेटलाइफको सहायक कम्पनीको रुपमा संयुक्त राज्य अमेरिकामा दर्ता भएको अमेरिकन लाइफ ईन्स्योरेन्सको शाखाको रुपमा मेटलाइफ सन् २००१ देखि नेपालमा सञ्चालनमा आएको हो । नेपालमा मेटलाइफले उपभोक्ता तथा व्यवसायहरुलाई जीवन बीमा, दूर्घटना तथा स्वास्थय बीमा, र कर्मचारी लाभ (समूह बीमा) जस्ता सुविधाहरु प्रदान गरिरहेको छ ।
मेटलाइफ ईन्क. (NYSE:ET) आफ्नो सहायक तथा सम्बन्धन प्राप्त गरेका कम्पनी(METLIFE) का माध्यमबाट आफ्ना व्यक्तिगत र संस्थागत ग्राहकहरुलाई अघि सहज रुपमा अघि बढ्न विभिन्न बीमा योजनाहरु, वार्षिक योजनाहरु, कर्मचारी लाभ योजनाहरु तथा सम्पत्ति व्यवस्थापन योजनाहरु प्रदान गर्ने संसारकै अग्रणी वित्तीय सेवा कम्पनीहरु मध्ये एक हो ।
सन् १८६८ मा स्थापित मेटलाइफ संसारभरि ४० भन्दा बढी बजारहरुमा सञ्चालनमा रहेको छ भने संयुक्त राज्य अमेरिका, जापान, ल्याटिन अमेरिका, एसिय, यूरोप तथा मध्य एसियामा अब्बल स्थानमा रहेको छ । www.metlife.com.np मा कम्पनीको बारेमा अधिक जानकारी लिन सकिन्छ ।
प्रतिक्रिया