आजदेखि उपत्यकाका सबै ट्राफिक प्रहरीहका सवारी साधनमा ड्यास बोर्ड क्यामेरा जडान गरियो
समयपोष्ट
२०७३ असोज १६ गते ८:०४
काठमाडौं। महानगरीय ट्राफिक प्रहरी महाशाखाले उपत्यकाका सबै ट्राफिक प्रहरीहरुका सवारी साधनमा ड्यास बोर्ड क्यामेरा जडान गरेको छ ।
आजदेखि सञ्चालनमा ल्याइएको सो क्यामेरा ट्राफिक प्रहरीको आखाँ छलेर गल्ती गर्नेको लागि प्रमाण हुने साथै सडक अनुशासन कायम गर्न सहयोगी हुने ट्राफिक महाशाखाले जनाएको छ ।
यी क्यामेराले सडकमा गुडिरहेकाको गाडीको गतिका साथै सडकको छेउमा पार्किङ गरेर राखेका र सडकमा बाटो काट्नेहरुको निगरानी गर्ने छ । यो सबै काम भिडियो रेकर्डबाट हुने छ ।
ट्राफिक प्रहरीले पहिला प्रयोगमा ल्याएका क्यामेराहरुले एउटै ठाँउको मात्र रेकर्ड राख्दथे ।
हाल जडान गरिएका क्यामेरा ट्राफिक प्रहरीको गाडीमा हुने हुँदा यसले सबै ठाँउको गतिबिधि रेकर्ड गरिरहेको हुन्छ ।
प्रतिक्रिया