पुनः काममा फर्किए बीमा प्राधिकरणका अध्यक्ष ओझा

बीमा प्राधिकरणका अध्यक्ष शरद ओझा मंगलबार पुनः आफ्नो जिम्मेवारीमा फर्किएका छन्। सरकारले उनलाई बर्खास्त गर्ने निर्णयविरुद्ध सर्वोच्च अदालतले अल्पकालीन अन्तरिम आदेश जारी गरेपछि उनी नियमित काममा फर्केका हुन्।

Advertisement

सर्वोच्च अदालतले सरकारका नाममा जारी गरेको उक्त आदेशमा ओझाको बर्खास्ती निर्णय तत्काल कार्यान्वयन नगर्न र नयाँ अध्यक्ष नियुक्ति प्रक्रिया अघि नबढाउन निर्देशन दिएको छ। सोही आधारमा ओझाले आफ्नो पदमा पुनर्बहाली भएको हो।

गत २ भदौमा बसेको मन्त्रिपरिषद् बैठकले ओझालाई खराब आचरण र कार्यक्षमता अभावको आरोपमा बर्खास्त गर्ने निर्णय गरेको थियो। उक्त निर्णयका लागि सरकारले ३० असारमा छानबिन समिति गठन गरेको थियो। छानबिन समितिको प्रतिवेदनमा ओझाको कार्य अनुभव र योग्यतामाथि प्रश्न उठाउँदै उनलाई अध्यक्ष पदका लागि अयोग्य ठहर गरिएको थियो।

उक्त निर्णयविरुद्ध ओझाले सर्वोच्च अदालतमा रिट निवेदन दायर गरेका थिए। २२ भदौमा दर्ता भएको रिटमाथि २३ भदौमा न्यायाधीश सारंगा सुवेदीको एकल इजलासले अल्पकालीन अन्तरिम आदेश जारी गरेको हो। सर्वोच्चले दुवै पक्षलाई छलफलका लागि बोलाएको छ।

सम्बन्धित सामाग्री

मिरजको घोषणा: ‘मुख्य माग पूरा नभएसम्म निर्वाचनमा भाग लिँदैनौं’

नयाँ भाँडा खरिदसहित पूजा गरेर धनतेरस पर्व मनाइँदै

यसपालि छ दिनको यमपञ्चक

स्वच्छ र निष्पक्ष रूपमा निर्वाचन हुन्छ भन्ने विश्वास दिलाउन लागौँः राष्ट्रपति पौडेल

नगर विकास कोषको रकम प्रतिफल दिने क्षेत्रमा लगानी गरौँः मन्त्री घिसिङ

पदयात्रीको ‘रिफ्रेस सेन्टर’