प्राधिकरणका कार्यकारी निर्देशक मुकेशराज काफ्लेको राजीनामा
काठमाडौं – नेपाल विद्युत प्राधिकरणका कार्यकारी निर्देशक मुकेशराज काफ्लेले राजीनामा दिएका छन् । शुक्रबार विहानै प्रधानमन्त्री कार्यालय सिंहदरबार पुगी उनले प्रधानमन्त्री पुष्पकमल दाहालसामु राजिनामा बुझााएका हुन् । काफ्लेलाई हटाउन मन्त्रीपरिषदमा प्रस्ताव लगिएको बेला काफ्लेले आफै राजीनामा दिएका हुन् । उनको राजीनामा स्वीकृत गर्ने नगर्ने विषयमा प्रधानमन्त्रीले सरसल्लाह गरिरहेको उनको सचिवालयले जनाएको छ ।
उर्जामन्त्री जर्नादन शर्मालेले आफूलाई हटाउन लागेको भन्दै सार्वजनिक अभिव्यक्ति दिँदै हिँडेका काफ्ले सुशील कोइराला प्रधानमन्त्री हुँदा प्राधिकरणको प्रमुख कार्यकारी निर्देशक पदमा नियुक्त भएका थिए । नेपाली कांग्रेसको महाधिवेशनमा महाधिवेशन प्रतिनिधिको रुपमा उपस्थित जनाएपछि उनी विबादमका तानिएका थिए ।
कार्यसम्पादन मूल्यांकनमा काफ्लेको अवस्था कमजोर रहेको भन्दै मन्त्रीपरीषदको बिहिवारको बैठकमा उनको बारेमा छलफल भएको थियो ।
प्रतिक्रिया