बिहीबार, २० फागुन २०७७

१० प्रतिशत काम बाँकी छँदै विमानस्थल सुचारु

समयपोष्ट २०७४ भदौ २३ गते ७:१६

डोल्पामा यातायातको एकमात्र विकल्पको रुपमा रहेको जुफाल विमानस्थलमा आजदेखि हवाई सेवा सुचारु भएको छ । 

Advertisement

स्तरोन्नतिका लागि झण्डै तीन महिनादेखि बन्द गरिएको जुफाल विमानस्थलमा ९० प्रतिशत कालोपत्रे गर्ने काम सम्पन्न भएपछि हवाई सेवा सुचारु गरिएको हो । 

हवाई बन्द भएपछि प्राकृतिक नाकाबन्दीको अवस्था खेपिरहेको डोल्पालीको समस्या र नजिकिँदो महान चाड दसैँको अवसरमा दैनिक उपभोग्य सामग्री ढुवानीका साथै आवतजावतमा हुने समस्यालाई मध्यनजर राख्दै बाँकी १० प्रतिशत काम जहाज चल्दै गर्दा समय व्यवस्थापन गर्ने सर्तमा विमानस्थल सुचारु गरिएको आयोजना प्रमुख वीरप्रसाद शाहीले जानकारी दिए । 

Advertisement

विमानस्थलको जम्मा ५६० मिटर कालोपत्रेमध्ये धावन मार्गको ५५ मिटर र पार्किङको काम मात्र काम बाँकी रहेको शाहीको भनाइ छ । 

आयोजना प्रमुख शाहीका अनुसार धावन मार्गको ५५ मिटर कालोपत्रेको काम गर्दै गर्दा रुलर मेसिन बिग्रेकाले काम रोकिएको हो । मेसिन मर्मतपछि केही दिनमै काम सुचारु गरिने उनले बताए 

बिहानको जहाज आउने समयमा पार्किङको काम गर्ने र जहाज गइसकेपछि दिउँसो धावन मार्गको काम सञ्चालन गर्ने योजना रहेको छ । रासस 

प्रतिक्रिया

सम्बन्धित सामाग्री