पोखरा फाइनान्सकाे एफपिओमा आवेदन दिने आज अन्तिम मिती
समयपोष्ट
२०७४ भदौ १ गते ७:१२
पोखरा फाइनान्सकाे एफपिओमा आवेदन दिने आज अन्तिम मिती हो । कम्पनीले साउन २९ आईतबारदेखि निष्काशन खुला गरेको एफपिओमा लगानीकर्ताले विहीबार कार्यालय समय ३ बजेसम्म अावेदन गर्न सक्नेछन् ।
कम्पनीले प्रतिकित्ता एक सय रुपैयाँ अंकित मूल्यमा १२० रुपैयाँ प्रिमियम थप गरी २२० का दरले ९ लाख ८३ हजार ६८२ कित्ता एफपीओ निष्कासन गरेको हो ।
कम्पनीको एफपिओमा न्यूनतम १० कित्तादेखि अधिकतम ४ हजार ९ सय कित्तासम्म आवेदन दिन पाइनेछ । अहिले दोस्रो बजारमा फाइनान्सको प्रतिकित्ता सेयरमूल्य २५० रुपैयाँको हाराहारीमा रहेको छ ।
कम्पनीको चुक्ता पूँजी ५५ करोड ७४ लाख रुपैयाँ छ । एफपिओ बिक्रीपछि कम्पनीको चुक्ता पूँजी ६५ करोड ५७ लाख पुग्नेछ । कम्पनीको प्रतिसेयर आम्दानी १५ रुपैयाँ ७४ पैसा छ । कम्पनीको प्रतिसेयर नेटवर्थ १३८ रुपैयाँ ५० पैसा छ ।
प्रतिक्रिया