हिमालयन बैंकको नाफा दुई अर्ब नाघ्यो
हिमालयन बैंकले गत आर्थिक वर्षमा खुद नाफा १२ .४३ प्रतिशतले बढाएर दुई अर्ब १७ करोड ६४ लाख ८७ हजार रुपैयाँ पुर्याएको छ ।
अघिल्लो आर्थिक वर्ष एक अर्ब ९३ करोड ५९ लाख साठ हजार रुपैंया खुद नाफा कमाएको बैंकको खुद व्याज आम्दानी तीन अर्ब ७६ करोड रुपैंया रहेको छ ।
बैंकको निक्षेप ९२ अर्ब ८८ करोड ११ लाख रुपैयाँ रहेको छ । बैंकले ७७ अर्ब ६५ करोड ४९ लाख रुपैंया कर्जा प्रवाह गरेको छ ।
बैंकले निष्कृय कर्जा अनुपात १.२३ प्रतिशतबाट ०.८७ प्रतिशतमा झारेको छ ।
बैंकले ९१ करोड ५२ लाख ५७ हजार रुपैयाँ राइट ब्याक गरेको छ । बैंकको जगेडा कोषमा ५ अर्ब २७ करोड ४४ लाख ६१ हजार रुपैयाँ रहेको छ ।
बैंकको चुक्ता पूँजी छ अर्ब ४९ करोड १६ लाख २४ हजार रुपैयाँ रहेको छ । बैंकको प्रतिसेयर आम्दानी ३३ रुपैयाँ ५३ पैसा तथा प्रतिसेयर नेटवर्थ १८१ रुपैयाँ २५ पैसा कायम भएको छ ।
प्रतिक्रिया