बीवाईडी एट्टो २ लन्च, सबैभन्दा किफायती इलेक्ट्रिक एसयूभी

Advertisement

नेपालमा बीवाईडी अटो इन्डष्ट्रिको आधिकारिक वितरक साइमेक्स इन्कले नाडा अटो शो २०२५ मा अल-न्यू बीवाईडी एट्टो २ भव्य रूपमा सार्वजनिक गरेको छ। यो कम्प्याक्ट इलेक्ट्रिक एसयूभी नेपालमा सबैका लागि पहुँचयोग्य मूल्यमा उपलब्ध हुने गरी डिजाइन गरिएको छ। यो गाडी युवा व्यवसायी र परिवारलाई लक्षित गर्दै कम्प्याक्ट डिजाइन, सहज ह्यान्डलिङ र एसयूभीको व्यावहारिकता संयोजन गरेको छ।

उक्त अनावरण समारोहमा प्रधानमन्त्री केपी शर्मा ओली, साइमेक्स इन्कका अध्यक्ष अनिल श्रेष्ठ, प्रबन्ध निर्देशक यमुना श्रेष्ठ, बीवाईडी नेपालका ब्रान्ड एम्बेसडर हरिबंश आचार्य र ब्रान्ड इन्डोर्सर अस्मी श्रेष्ठको उपस्थिति रहेको थियो। यो समारोहले बीवाईडी एट्टो २ को बजार प्रवेशलाई विशेष बनाएको छ।

बीवाईडी एट्टो २ को विशेषताहरू

बीवाईडी एट्टो २ मा बीवाईडीको विश्वप्रसिद्ध ब्लेड ब्याट्री र अत्याधुनिक इन-क्याबिन प्रविधि समावेश छ। यो गाडीले कम्प्याक्ट एसयूभी प्याकेजमा ठूलो गाडीको अनुभव प्रदान गर्छ। यसको प्रारम्भिक मूल्य ४३ लाख ९९ हजार रुपैयाँ तोकिएको छ, जसमा ७ किलोवाटको वाल-माउन्टेड चार्जर समावेश छ।

Advertisement

कम्प्याक्ट तर दमदार डिजाइन

यो गाडी ४,३१० एमएम लम्बाइ, १,८३० एमएम चौडाइ, १,६७५ एमएम उचाइ, २,६२० एमएम ह्विलबेस र २०० एमएम ग्राउन्ड क्लियरेन्ससहित उपलब्ध छ। यसको ५१.१३ किलोवाटको ब्लेड ब्याट्रीले डब्लुएलटीपी अनुसार ३४५ किलोमिटरको ड्राइभिङ रेन्ज दिन्छ। १०० किलोवाटको मोटरले २९० एनएम टर्क उत्पादन गर्छ र ०-१०० किमी/घन्टा ९ सेकेन्डमा पुग्छ। एक्स्टेरियरमा फुल एलईडी हेडलाइट, डे टाइम रनिङ लाइट, फ्लोटिङ रूफलाइन र मोबियस इन्फिनिटी रिङ डिजाइनको एलईडी टेललाइट बार समावेश छ।

प्रिमियम इन्टेरियर र प्रविधि

क्याबिनमा सिन्थेटिक लेदर अपहोल्स्ट्री, भेन्टिलेटेड फ्रन्ट सिट, ६-वे पावर ड्राइभर सिट, ४-वे पावर प्यासेन्जर सिट उपलब्ध छ। ६०/४० स्प्लिट रियर सिट र फ्ल्याट फ्लोर डिजाइनले अतिरिक्त सामान राख्ने सुविधा दिन्छ। १२.८ इन्च रोटेटिङ टचस्क्रिन, एप्पल कारप्ले, एन्ड्रोइड अटो, ८.८ इन्च एलसीडी इन्स्ट्रयुमेन्ट क्लस्टर, भ्वाइस असिस्टेन्ट र वायरलेस चार्जिङले प्रविधिको अनुभव प्रदान गर्छ।

ब्लेड ब्याट्री र सेल-टु-बडी प्रविधि

बीवाईडीको क्रान्तिकारी ब्लेड ब्याट्री र सेल-टु-बडी (सीटीबी) प्रविधिले स्पेस, दक्षता र सुरक्षालाई बढाउँछ। कोबाल्ट र निकेलमुक्त लिथियम आइरन फस्फेट (एलएफपी) ब्याट्रीले लामो आयु, उच्च तापक्रममा स्थिरता र उद्योगको कठिन नेल पेनेट्रेसन टेस्ट पास गरेको छ।

लेभल २ एड्भान्स्ड र सुरक्षा

लेभल २ एड्भान्स्ड ड्राइभर असिस्टेन्स सिस्टममा एडेप्टिभ क्रुज कन्ट्रोल, लेन डिपार्चर वार्निङ, ट्राफिक जाम असिस्ट, अटो इमर्जेन्सी ब्रेकिङ, इन्टेलिजेन्ट स्पिड लिमिट कन्ट्रोल र ३६० डिग्री भ्यु मोनिटर समावेश छ। साथै, ६ एयरब्याग, इलेक्ट्रोनिक स्टेबिलिटी कन्ट्रोल, ट्रयाक्सन कन्ट्रोल, हिल डिसेन्ट कन्ट्रोल र आईसोफिक्स एङ्करले पूर्ण सुरक्षा सुनिश्चित गर्छ।

नाडा अटो शोमा विशेष अफर

नाडा अटो शो २०२५ मा बुकिङ गर्ने ग्राहकले निःशुल्क १ वर्षको अटो प्लस इन्सुरेन्स, ३.३ किलोवाट पोर्टेबल चार्जर, १० वर्षको विस्तारित वारेन्टी, निःशुल्क एसेसरिज प्याकेज र १० वर्षको बीवाईडी एप कनेक्टिभिटी प्राप्त गर्नेछन्।

रङ र उपलब्धता

बीवाईडी एट्टो २ ब्रिज ग्रीन, हार्बर ग्रे, कसमस ब्ल्याक र स्की ह्वाइट रङमा उपलब्ध छ। यसको इन्टेरियरमा ब्ल्याक फिनिस छ। देशभरका बीवाईडी शोरुममा बुकिङ खुला गरिएको छ।

साइमेक्स इन्कका अध्यक्ष अनिल श्रेष्ठले बीवाईडी एट्टो २ ले इलेक्ट्रिक एसयूभीलाई नेपाली ग्राहकका लागि पहुँचयोग्य बनाएको र यसको प्रविधि, सुरक्षा र व्यावहारिकताले इन्ट्री-लेभल एसयूभीको अपेक्षा पूरा गर्ने बताए। प्रबन्ध निर्देशक यमुना श्रेष्ठले नेपालमा ईभी क्रान्तिलाई अगाडि बढाउन र थप नेपालीलाई एसयूभीको स्वामित्व प्रदान गर्न उत्साहित रहेको बताइन्।

सम्बन्धित सामाग्री

मोटरसाइकलको स्वरूप परिवर्तन गर्ने कारबाहीमा

नेपाली सडकमा १००० बढी नामी- नेपालमै तीव्र गतिमा विस्तार भइरहेको प्रिमियम ह्याचब्याक!

फोटोनले टुनल्याण्ड पिकअप ग्राहकका लागि ल्यायो “जिरो कस्ट अफर”

“पर्वको बेला टाटा जेन्युइन पार्ट्सको मेला” – प्रत्येक खरिदमा पर्न सक्छ बजाज पल्सर १५० सिसि फेला

आजबाट धनतेरस टाटा उत्सव

असोज २४ देखि एमएडब्लु वृद्धिको एक्सचेन्ज मेला