भदौका लागि बैंकहरूको नयाँ ब्याजदर सार्वजनिक, अधिकांशले घटाए

Advertisement

नेपालका वाणिज्य बैंकहरूले भदौ महिनाका लागि मुद्दती निक्षेपको ब्याजदरमा कटौती गरेका छन्।

साउनको तुलनामा भदौमा व्यक्तिगत र संस्थागत दुवैतर्फ ब्याजदर घटेको छ। औसतमा व्यक्तिगत मुद्दती निक्षेपको ब्याजदर ०.२० प्रतिशतले घटेर ५.५८ प्रतिशतमा झरेको छ, जुन साउनमा ५.७५ प्रतिशत थियो। त्यसैगरी, संस्थागत मुद्दती निक्षेपको ब्याजदर ०.१५ प्रतिशतले घटेर ३.९६ प्रतिशतमा झरेको छ, जुन साउनमा ४.११ प्रतिशत थियो।

कृषि विकास बैंकले व्यक्तिगत मुद्दती निक्षेपमा ०.२० प्रतिशतले घटाएर ५.२० प्रतिशत र संस्थागततर्फ ०.६५ प्रतिशतले घटाएर २.८५ प्रतिशत ब्याजदर निर्धारण गरेको छ। एभरेष्ट बैंकले व्यक्तिगततर्फ ०.५० प्रतिशतले घटाएर ५.७५ प्रतिशत र संस्थागततर्फ ४.७५ प्रतिशत ब्याजदर तोकेको छ।

कुमारी बैंकले व्यक्तिगततर्फ ०.४० प्रतिशतले घटाएर ५.२१ प्रतिशत ब्याजदर कायम गरेको छ। नेपाल एसबिआई बैंकले व्यक्तिगततर्फ ०.१० प्रतिशतले घटाएर ५.२५ प्रतिशत र संस्थागततर्फ ४.२५ प्रतिशत ब्याजदर निर्धारण गरेको छ।

Advertisement

स्ट्याण्डर्ड चार्टर्ड बैंकले व्यक्तिगततर्फ १.१० प्रतिशतले घटाएर ५.१३ प्रतिशत र संस्थागततर्फ ०.२५ प्रतिशतले घटाएर २.७५ प्रतिशत ब्याजदर तोकेको छ। सिद्धार्थ बैंकले व्यक्तिगततर्फ ०.३० प्रतिशतले घटाएर ५.५० प्रतिशत र संस्थागततर्फ ०.७५ प्रतिशतले घटाएर ४.०० प्रतिशत ब्याजदर निर्धारण गरेको छ। सानिमा बैंकले व्यक्तिगततर्फ ०.४३ प्रतिशतले घटाएर ५.७५ प्रतिशत र संस्थागततर्फ ०.२५ प्रतिशतले घटाएर ३.७५ प्रतिशत ब्याजदर कायम गरेको छ।
नेपाल बैंक, लक्ष्मी सनराइज बैंक, ग्लोबल आइएमई बैंक, प्राइम कमर्सियल बैंक, सिटिजन्स बैंक, प्रभु बैंक, माछापुच्छ्रे बैंक, एनएमबि बैंक, नबिल बैंक, राष्ट्रिय वाणिज्य बैंक, नेपाल इन्भेष्टमेन्ट मेगा बैंक, र एनआईसी एशिया बैंकले साउनको ब्याजदरलाई भदौमा पनि यथावत राखेका छन्। यी बैंकहरूको व्यक्तिगत मुद्दती निक्षेपको ब्याजदर क्रमशः ५.४० प्रतिशत, ५.०० प्रतिशत, ६.०० प्रतिशत, ६.०० प्रतिशत, ६.०० प्रतिशत, ६.०० प्रतिशत, ६.०० प्रतिशत, ६.०० प्रतिशत, ६.०० प्रतिशत, ६.०० प्रतिशत, ६.०० प्रतिशत, र ६.२५ प्रतिशत रहेको छ।

हिमालयन बैंकले भने व्यक्तिगत मुद्दती निक्षेपको ब्याजदरमा वृद्धि गरेको छ। साउनमा ५.५० प्रतिशत रहेको ब्याजदरलाई भदौका लागि ६.०० प्रतिशत कायम गरेको छ।

राष्ट्रियस्तरका अधिकांश विकास बैंकहरूले पनि साउनको ब्याजदरलाई भदौमा निरन्तरता दिएका छन्। गरिमा विकास बैंकले ६.११ प्रतिशत, मुक्तिनाथ विकास बैंकले ६.२५ प्रतिशत, कामना सेवा विकास बैंकले ६.१५ प्रतिशत, र महालक्ष्मी विकास बैंकले ६.११ प्रतिशत ब्याजदर यथावत राखेका छन्।

सम्बन्धित सामाग्री

मिरजको घोषणा: ‘मुख्य माग पूरा नभएसम्म निर्वाचनमा भाग लिँदैनौं’

नयाँ भाँडा खरिदसहित पूजा गरेर धनतेरस पर्व मनाइँदै

यसपालि छ दिनको यमपञ्चक

स्वच्छ र निष्पक्ष रूपमा निर्वाचन हुन्छ भन्ने विश्वास दिलाउन लागौँः राष्ट्रपति पौडेल

नगर विकास कोषको रकम प्रतिफल दिने क्षेत्रमा लगानी गरौँः मन्त्री घिसिङ

पदयात्रीको ‘रिफ्रेस सेन्टर’