तारकेश्वर गाँउपालिका–६ का वडाध्यक्ष रिमालको निधन

नुवाकोटको तारकेश्वर गाँउपालिका वडा नं ६ का अध्यक्ष नारायणप्रसाद रिमालको ४४ वर्षको उमेरमा आज बिहान निधन भएको छ । ज्वरो र निमोनियाले स्वास्थ्य प्रतिकूल भएसँगै वीर अस्पताल काठमाडौँमा उपचारको क्रममा उहाँको निधन भएको परिवार स्रोतले जनाएको छ।

गत जेठमा पत्थरीको शल्यक्रियापश्चात नियमित स्वास्थ्य जाँच गराउँदै आउनुभएका उहाँलाई पछिल्लो एक सातादेखि ज्वरो र निमोनियाले समस्या बनाएको थियो । नेकपा (एमाले) नुवाकोटको सचिवालय सदस्य समेत रहनुभएका रिमाल यसअघि विसं २०७४ को निर्वाचनमा वडा सदस्यमा निर्वाचित हुनुहुन्थ्यो ।

उहाँको निधन प्रति श्रद्धाञ्जली प्रकट गदै तारकेश्वर गाँउपालिकाले आज शोक बिदा दिएको छ । गाँउपालिका अध्यक्ष शिव अधिकारी (अबिरल)ले शोक वक्तव्य जारी गर्दै वडाध्यक्ष एवम् कार्यपालिका सदस्य रिमालको निधनमा आज ‘तारकेश्वर शोकको दिन’ घोषणा गर्दै गाँउपालिका, वडा कार्यालयहरू, सार्वजनिक सेवा प्रवाह गर्ने निकायमा शोक बिदा दिएर राष्ट्रिय झण्डा आधा झुकाउने उल्लेख गरिएको छ ।

सम्बन्धित सामाग्री

नेपालबाट कोरियाले ५ हजार ३०० कामदार लैजाने, कहिलेसम्म दिन पाइन्छ आवेदन ?

भारतको सहयोगमा बन्ने दोधारा चाँदनी सुक्खा बन्दरगाह, सुदूरपश्चिमको आर्थिक समृद्धिको ढोका

माओवादीमा नन्दबहादुर पुनलाई छैटौँ वरीयता

दिपल एस०७ को नयाँ भेरियन्ट सार्वजनिक, के छन् विशेषता

बजेट कार्यान्वयनबारे स्वास्थ्य मन्त्रालयसँग छलफल : २१ सय जनशक्ति थप गर्न प्रस्ताव

असफलतामा सफलता देख्ने उद्यमी आदित्य झाको व्यावसायिक यात्रा