१६ सचिवको सरुवा, हेर्नुहोस् को-कहाँ ?

मन्त्रीपरिषद बैठकले एक साथ १६ सचिवहरुको सरुवा गरेको छ ।

सोमबार बसेको मन्त्रीपरिषद बैठकले भूमिसुधार व्यवस्था तथा सहकारी मन्त्रालयका सचिव गोपीनाथ मैनालीलाई महालेखा नियन्त्रक कार्यालयमा सरुवा गरिएको छ भने महालेखा नियन्त्रक कार्यालयका सचिव सूर्य गौतमलाई भूमिसुधार मन्त्रालय सरुवा गरिएको छ ।

वाणिज्य तथा आपूर्ति मन्त्रालयका सचिव केदारबहादुर अधिकारीलाई पर्यटन तथा नागरिक उड्डयन मन्त्रालयमा सरुवा गरिएको छ भने सो मन्त्रालयबाट सचिव मोहनकृष्ण सापकोटालाई सार्वजनिक खरिद अनुगमन कार्यालयमा सरुवा गरिएको छ ।

सार्वजनिक खरिद अनुगमन कार्यालयका सचिव बेगेन्द्रराज शर्मा पौडेललाई वित्त आयोगमा र विक्त आयोेगका सचिव वैकुण्ठ अर्याललाई वाणिज्य तथा आपूर्ति मन्त्रालयहमा सरुवा गरिएको छ ।

राष्ट्रिय सर्तकता केन्द्रका सचिव माधव बेलवासेलाई खानेपानी मन्त्रालयमा ल्याइएको छ भने स्वास्थ्य तथा जनसंख्या मन्त्रालयबाट रामप्रसाद थपलियालाई युवा तथा खेलकुद मन्त्रालयमा ल्याइएको छ ।

यता ऊर्जा तथा सिँचाइ मन्त्रालयका सचिव सञ्जय शर्मालाई विज्ञान तथा प्रविधि मन्त्रालयमा सरुवा गरिएको छ । शिक्षा मन्त्रालयबाट सचिव खगराज बराललाई स्वास्थ्य मन्त्रालय तानिएको छ ।

श्रम मन्त्रालयका सचिव महेश दाहाललाई शिक्षा मन्त्रालय र राष्ट्रपति कार्यालयका सचिव विनोद केसीलाई श्रम मन्त्रालयमा सरुवा गरिएको छ ।

प्रधानमन्त्री तथा मन्त्रीपरिषद्को कार्यालयका सचिव डा.हरि पौडेलाई राष्ट्रपतिको कार्यालयमा सरुवा गरिएको छ ।

लोकसेवा आयोगका सचिव महेन्द्रप्रसाद गुरागाईलाई प्रधानमन्त्री तथा मन्त्रीपरिषद्को कार्यालय तानिएको छ । प्रदेश ३ को प्रमुख सचिव रहेका आनन्द ढकाललाई लोकसेवा आयोगको सचिवमा सरुवा गरिएको छ भने प्रदेश ५ को प्रमुख सचिवका रुपमा रहेका तीर्थ ढकाललाई प्रधानमन्त्री तथा मन्त्रीपरिषद्को कार्यालयमा सरुवा गरिएको छ ।

सम्बन्धित सामाग्री