कन्काई विकास बैंकको हकप्रद आजबाट
समयपोष्ट
२०७४ साउन ९ गते ६:०१
कन्काई विकास बैंकले सोमबारदेखि हकप्रद निष्काशन गरेको छ । बैंकले हाल कायम चुक्ता पूँजीको २१४ प्रतिशत हकप्रद बिक्री सुरु गरेको हो । बैंकले एक बराबर दुई दशमलव १४ कित्ताका दरले ३२ करोड १० लाख रुपैयाँको ३२ लाख १० हजार कित्ता हकप्रद निष्काशन गरेको छ ।
बैंकले हकप्रद बिक्री प्रबन्धक सिद्धार्थ क्यापिटल लिमिटेडलाई नियुक्त गरेको छ । बैंकको हकप्रदमा लगानीकर्ताहरुले क्यापिटलको कार्यालय नक्साल तथा कन्काई विकास बैंक र सिद्धार्थ बैंकका सबै शाखाहरुबाट आवेदन दिन सक्नेछन् ।
बैंकको हकप्रदमा असार १८ गतेसम्म कायम सेयरधनीले भदौ ११ गतेसम्ममा आवेदन दिईसक्नुपर्नेछ । हाल बैंकको चुक्ता पूँजी १५ करोड रुपैयाँ रहेको छ । हकप्रद बिक्री पछि बैंकको पूँजी ४७ करोड १० लाख रुपैयाँ पुग्नेछ ।
प्रतिक्रिया